കൊല്ക്കത്ത: ട്വന്റി 20 ക്രിക്കറ്റ് ലോകകപ്പ് ഫൈനലില് വെസ്റ്റ് ഇന്ഡീസ് ഇന്ന് ഇംഗണ്ടിനെ നേരിടും. കൊല്ക്കത്ത ഈഡന് ഗാര്ഡന്സില് രാത്രി ഏഴിനാണ് മത്സരം.
ഈഡന് ഗാര്ഡന്സില് ഇരു ടീമുകളും ലക്ഷ്യമിടുന്നത് ട്വന്റി 20 ലോകകപ്പിലെ രണ്ടാം കിരീട നേട്ടമെന്നതും ശ്രദ്ധേയമാണ്. സെമി ഫൈനലില് ഇന്ത്യയെ കീഴടക്കിയെത്തുന്ന വിന്ഡീസ് നിര തികഞ്ഞ ആത്മവിശ്വാസത്തിലാണ്. സെമിയില് വേഗത്തില് പുറത്തായ ക്രിസ് ഗെയ്ല് ഫോമിലായാല് കരീബിയന് പടയെ തളക്കാന് എളുപ്പമല്ല. ജോണ്സന് ചാള്സും, ലെന്ഡന് സിമന്സും അടങ്ങുന്ന കരുത്തുറ്റ ബാറ്റിംഗ് നിര ഇംഗ്ലണ്ടിന്റെ ഉറക്കം കെടത്തും. ഓള് റൗണ്ടര്മാരായ ആന്ഡ്രൂ റസലും, ബ്രാവോയും, ഡാരന് സമിയും, മികച്ച സ്പിന്നര്മാരായ സാമുവല് ബദ്രിയും, സുലൈമാന് ബെന്നും നിരക്കുമ്പോള് വിന്ഡീസിന് തളക്കാന് എളുപ്പമാവില്ല.
ജേസന് റോയും, ജോ റൂട്ടും, ജോസ് ബട്!ലറുമടങ്ങുന്ന ബാറ്റിംഗ് നിരയാണ് ഇംഗ്ലണ്ടിന്റെ കരുത്ത്. ബൗളിംഗ് നിരയില് ബെന് സ്റ്റോക്കും, ഡേവിഡ് വില്ലിയും ഇംഗ്ലണ്ടിന് പ്രതീക്ഷ നല്കുന്നുണ്ട്. ഇരു ടീമുകളും ഏറ്റുമുട്ടിയ സൂപ്പര് ടെന് പോരാട്ടത്തില് ക്രിസ് ഗെയ്ലിന്റെ മിന്നുന്ന സെഞ്ച്വറി വെസ്റ്റ് ഇന്ഡീസിന് ജയം സമ്മാനിച്ചിരുന്നു.
Discussion about this post