പല്ലേക്കലെയിൽ നടന്ന ഇംഗ്ലണ്ട്-പാകിസ്ഥാൻ ആവേശപ്പോരാട്ടത്തിനിടയിൽ ഗാലറിയിൽ ആരാധകർ തമ്മിൽ കയ്യാങ്കളി. മത്സരത്തിൽ പാകിസ്ഥാനെ തകർത്ത് ഇംഗ്ലണ്ട് സെമി ഫൈനലിൽ പ്രവേശിച്ചു. മത്സരത്തിനിടെ ഇംഗ്ലണ്ട് ജേഴ്സി ധരിച്ച ആരാധകനും പാകിസ്ഥാൻ ആരാധകനും തമ്മിൽ വാക്കേറ്റവും കയ്യാങ്കളിയുമുണ്ടാകുന്ന വീഡിയോ സോഷ്യൽ മീഡിയയിൽ വൈറലായി. മറ്റ് കാണികൾ ഇടപെട്ടാണ് രംഗം ശാന്തമാക്കിയത്.
എന്താണ് സംഘർഷത്തിന് കാരണം എന്ന് വിഡിയോയിൽ വ്യക്തമല്ല. ഇരുരാജ്യങ്ങളുടെയും ജേഴ്സി ധരിച്ച ആരാധകർ പരസ്പരം വെല്ലുവിളിക്കുന്നതും വിട്ടുകൊടുക്കാതെ സംസാരിക്കുണർത്തുമൊക്കെ വിഡിയോയിൽ കാണാം. എന്തായാലും ഇരുവരെയും പിന്തിരിപ്പിക്കാനായി ശ്രമിക്കുന്ന ലങ്കൻ ആരാധരും വിഡിയോയിലുണ്ട്.
പാകിസ്ഥാൻ ഉയർത്തിയ 165 റൺസ് ലക്ഷ്യം പിന്തുടർന്ന ഇംഗ്ലണ്ടിന് നായകൻ ഹാരി ബ്രൂക്കിന്റെ തകർപ്പൻ സെഞ്ച്വറിയാണ് തുണയായത്. 51 പന്തിൽ 10 ഫോറും 4 സിക്സും ഉൾപ്പെടെ 100 റൺസെടുത്ത ബ്രൂക്ക് ടീമിനെ വിജയത്തിലെത്തിച്ചു. അഞ്ച് പന്തുകൾ ബാക്കി നിൽക്കെ രണ്ട് വിക്കറ്റിനായിരുന്നു ഇംഗ്ലണ്ടിന്റെ ജയം.
ഈ വിജയത്തോടെ ഇംഗ്ലണ്ട് സെമി ഫൈനൽ ബെർത്ത് ഉറപ്പിച്ചു. ആദ്യം ബാറ്റ് ചെയ്ത പാകിസ്ഥാൻ നിശ്ചിത 20 ഓവറിൽ 9 വിക്കറ്റ് നഷ്ടത്തിൽ 164 റൺസാണ് നേടിയത്. 45 പന്തിൽ 63 റൺസെടുത്ത സാഹിബ്സാദ ഫർഹാനാണ് പാകിസ്ഥാന്റെ ടോപ്പ് സ്കോറർ. ഇംഗ്ലണ്ടിനായി ലിയാം ഡോസൺ നാല് ഓവറിൽ 24 റൺസ് മാത്രം വഴങ്ങി മൂന്ന് വിക്കറ്റുകൾ വീഴ്ത്തി.
Play silly games, win silly prizes.
Serial offender. Time for the @ICC to take a stand. #cricket #worldcup pic.twitter.com/pdbrAG13tY
— Jake Jeakings (@JakeJeakings1) February 24, 2026
