കൊല്‍ക്കത്ത:ഈ ലോകകപ്പിന്റെ താരമായെങ്കിലും ടീമിനെ ജേതാക്കളാക്കാന്‍ കഴിയാത്ത ദുഖത്തിലാണ് വിരാട് കൊഹ്ലി. ലോകകപ്പിന്റെ സെമിഫൈനല്‍ ടീം ഇന്ത്യയെ ഒറ്റക്ക് തോളിലേറ്റിയ ഇന്ത്യന്‍ ഉപനായകന്‍ തന്നെ കൊഹ് ലി തന്നെയാണ് ടൂര്‍ണമെന്റിലെ താരമായത്. തുടര്‍ച്ചയായ രണ്ടാം തവണയാണ് ഈ ബഹുമതി കോഹ്ലിയെ തേടിയെത്തുന്നത്. ബംഗ്ലാദേശില്‍ നടന്ന കഴിഞ്ഞ ലോകകപ്പിലും കോഹ്ലി തന്നെയായിരുന്നു ടൂര്‍ണമെന്റിലെ താരം.
ടൂര്‍ണമെന്റില്‍ കളിച്ച അഞ്ചു മത്സരങ്ങളില്‍ നിന്നായി കൊഹ്ലിയുടെ ബാറ്റില്‍ നിന്നു പിറന്നത് 136.50 ശരാശരിയില്‍ 273 റണ്‍സ്. ആരെയും അസൂയപ്പെടുത്തുന്ന 147 സ്‌ട്രൈക്ക് റേറ്റും. ന്യൂസിലാന്റിനെതിരെ 23, പാക്കിസ്ഥാനെതിരെ പുറത്താകാതെ 55, ബംഗ്ലാദേശിനെതിരെ 24, ഓസ്‌ട്രേലിയക്കെതിരായ നിര്‍ണായക മത്സരത്തില്‍ 82*, വിന്‍ഡീസിനെതിരെ 89* എന്നിങ്ങനെയാണ് കോഹ്ലിയുടെ റണ്‍ വേട്ട.
Discussion about this post