2026ലെ പശ്ചിമ ബംഗാൾ, അസം, തമിഴ്നാട്, നിയമസഭാ തിരഞ്ഞെടുപ്പുകളുടെ എക്സിറ്റ് പോൾ ഫലങ്ങൾ പുറത്ത്. തിരഞ്ഞെടുപ്പു കമ്മീഷന്റെ നിർദ്ദേശങ്ങൾ അനുസരിച്ച്, എല്ലാ ഘട്ടങ്ങളിലേക്കുമുള്ള വോട്ടെടുപ്പ് കഴിഞ്ഞതിനുശേഷം മാത്രമാണ് എക്സിറ്റ് പോൾ ഫലങ്ങൾ പ്രസിദ്ധീകരിച്ചിരിക്കുന്നത്. ബംഗാളിൽ ബിജെപി 150 മുതൽ 175 സീറ്റുകൾ വരെ നേടും എന്നാണ് എക്സിറ്റ്പോൾ ഫലങ്ങൾ സൂചിപ്പിക്കുന്നത്. തൃണമൂൽ കോൺഗ്രസ് 118 മുതൽ 138 വരെ സീറ്റുകൾ നേടുമെന്നും സർവ്വേഫലങ്ങൾ പറയുന്നു.
അസമിൽ എൻഡിഎ 88 സീറ്റ് മുതൽ 101 സീറ്റ് വരെ നേടിക്കൊണ്ട് വൻ വിജയം നേടുമെന്നാണ് ഫലങ്ങൾ സൂചിപ്പിക്കുന്നത്. തമിഴ്നാട്ടിൽ ഡിഎംകെ- കോൺഗ്രസ് സഖ്യം 122-132 സീറ്റുകൾ നേടി അധികാരത്തിൽ തുടരുമെന്ന് സർവേഫലങ്ങൾ സൂചിപ്പിക്കുന്നു. തമിഴ്നാട്ടിൽ എൻഡിഎ 87-100 സീറ്റുകൾ നേടുമെന്നാണ് പ്രാഥമിക ഫലങ്ങളിൽ നിന്നുള്ള സൂചന. അതേസമയം വിജയുടെ ടിവികെ 12 സീറ്റുകൾ വരെ നേടുമെന്നാണ് സർവ്വേഫലങ്ങൾ സൂചിപ്പിക്കുന്നത്.
