കൊൽക്കത്ത : ബംഗാളിലെ പുതിയ സർക്കാരിന്റെ സത്യപ്രതിജ്ഞ ചടങ്ങ് മെയ് 9ന് നടക്കും. സംസ്ഥാന ബിജെപി പ്രസിഡന്റ് സമിക് ഭട്ടാചാര്യ ആണ് തീയതി പ്രഖ്യാപിച്ചത്. ബംഗാളിൽ ആദ്യമായാണ് ഒരു ബിജെപി മുഖ്യമന്ത്രി അധികാരത്തിലേറുന്നത് എന്നതിനാൽ സത്യപ്രതിജ്ഞ ചടങ്ങ് വിപുലമായി ആഘോഷിക്കാനാണ് സംസ്ഥാന ബിജെപിയുടെ നീക്കം. തിരഞ്ഞെടുപ്പിൽ ബിജെപിക്ക് വോട്ട് ചെയ്ത എല്ലാവർക്കും പ്രത്യേകിച്ച് കുടിയേറ്റ തൊഴിലാളികൾക്ക് അദ്ദേഹം നന്ദി അറിയിച്ചു.
നിരവധി ബുദ്ധിമുട്ടുകൾക്കിടയിലും അവർ സ്വന്തം ചെലവിൽ വോട്ട് ചെയ്യാൻ യാത്ര ചെയ്ത് എത്തിയെന്ന് അദ്ദേഹം പറഞ്ഞു. അവരെയെല്ലാം ഞാൻ അഭിവാദ്യം ചെയ്യുന്നു. ലോകത്തിന്റെ വിവിധ ഭാഗങ്ങളിൽ നിന്നുള്ള ആളുകൾ വോട്ട് ചെയ്യാൻ എത്തിയെന്നും അദ്ദേഹം പരാമർശിച്ചു. സർക്കാരിനെയോ മുഖ്യമന്ത്രിയെയോ മാറ്റുക മാത്രമല്ല, സാമൂഹികമായി അടിച്ചമർത്തലായി മാറിയിരിക്കുന്ന മുഴുവൻ രാഷ്ട്രീയ അന്തരീക്ഷത്തെയും മാറ്റുക എന്നതാണ് തന്റെ ലക്ഷ്യമെന്നും സമിക് ഭട്ടാചാര്യ സൂചിപ്പിച്ചു. നൽകിയ വാഗ്ദാനങ്ങൾ തീർച്ചയായും നിറവേറ്റപ്പെടുമെന്നും അദ്ദേഹം വ്യക്തമാക്കി.
