ഡല്ഹി: ധാക്ക ഭീകരാക്രമണത്തിന് പ്രചോദനമായത് ഡോ. സാക്കിര് നായിക്കിന്റെ പ്രഭാഷണങ്ങളാണെന്ന് വാര്ത്ത നല്കിയ ‘ദ ഡെയ്ലി സ്റ്റാര്’ എന്ന ബംഗ്ളാദേശ് ദിനപത്രം തിരുത്തുമായി രംഗത്ത് എത്തി. നായിക് തീവ്രവാദികളെ പ്രചോദിപ്പിക്കുന്നതായി വാര്ത്ത നല്കിയില്ലെന്നും ഇക്കാര്യത്തില് എന്തെങ്കിലും തെറ്റിദ്ധാരണയുണ്ടായിട്ടുണ്ടെങ്കില് ഖേദം രേഖപ്പെടുത്തുന്നതായും പത്രം പുറത്തിറക്കിയ വിശദീകരണക്കുറിപ്പില് പറയുന്നു. ഇന്ത്യയിലടക്കമുള്ള മാധ്യമങ്ങള് നായിക്കിനെതിരായ വാര്ത്തകള്ക്ക് അവലംബിച്ചത് ഈ പത്രത്തെയായിരുന്നു.
‘ദ ഡെയ്ലി സ്റ്റാര്’ സംഭവത്തില് തന്റെ പേര് വലിച്ചിഴക്കുകയായിരുന്നെന്ന് വെള്ളിയാഴ്ച പുറത്തിറക്കിയ യൂട്യൂബ് പ്രഭാഷണത്തില് നായിക് പറഞ്ഞിരുന്നു. ഇക്കാര്യത്തില് പ്രതികരിച്ചാണ് പത്രം വിശദീകരണക്കുറിപ്പ് പുറത്തിറക്കിയത്. നായിക്കിന്റെ പ്രഭാഷണങ്ങള് എങ്ങനെയാണ് വളച്ചൊടിക്കുന്നതെന്ന് ചൂണ്ടിക്കാട്ടാനാണ് വാര്ത്തയിലൂടെ ശ്രമിച്ചതെന്ന് കുറിപ്പില് പറയുന്നു.
വാര്ത്തയില് മലേഷ്യയില് സാകിര് നായിക്കിന് നിരോധമുള്ളതായി ചേര്ത്തത് തെറ്റാണെന്നും പത്രം വ്യക്തമാക്കി.
Discussion about this post