മുസഫര്നഗര്: ബോളിവുഡ് സൂപ്പര്സ്റ്റാര് സല്മാന്ഖാന്, നടി അനുഷ്ക ശര്മ, സംവിധായകന് അലി സഫര് അബ്ബാസ് എന്നിവര്ക്കെതിരെ മുസഫര്നഗര് ചീഫ് ജുഡീഷ്യല് മജിസ്ട്രേറ്റ് കോടതിയില് വഞ്ചനക്കേസ്. തന്റെ ജീവിതകഥ സിനിമയാക്കുന്നതിന് 20 കോടി രൂപ വാഗ്ദാനം ചെയ്ത് വഞ്ചിച്ചെന്നാരോപിച്ച് മുസഫര് നഗര് സ്വദേശിയായ സബീര് ബാബ എന്ന മുഹമ്മദ് സബീര് അന്സാരിയാണ് കോടതിയെ സമീപിച്ചത്.
സല്മാന്ഖാന് നായകനായ ‘സുല്ത്താന്’ കഴിഞ്ഞയാഴ്ചയാണ് റിലീസ് ചെയ്തത്. 2010-ല് മുംബൈയില്വെച്ച് സബീര് തന്റെ കഥ സല്മാന്ഖാനോട് പറഞ്ഞിരുന്നുവെന്നും അത് സിനിമയാക്കിയാല് പ്രതിഫലമായി 20 കോടി രൂപ നല്കാമെന്ന് അപ്പോള് വാഗ്ദാനം ലഭിച്ചിരുന്നുവെന്നും സബീറിന്റെ അഭിഭാഷകന് സുധീര്കുമാര് ഓജ പറഞ്ഞു. കേസ് പരിഗണിച്ച സി.ജെ.എം കോടതി കേസ് ഫസ്റ്റ് ക്ളാസ് മജിസ്ട്രേറ്റ് കോടതിയിലേക്ക് മാറ്റി. കേസില് ജൂലൈ 26ന് കോടതി വാദം കേള്ക്കും.
Discussion about this post