അലപോ: ഇസ്ലാമിക ഭീകരസംഘടനയായ ഐഎസിന്റെ മുഖ്യ വക്താവ് അബു മുഹമ്മദ് അല്‍ അദ്‌നാനി കൊല്ലപ്പെട്ടതായി റിപ്പോര്‍ട്ട്. സിറിയന്‍ സേന അലപോയില്‍ നടത്തിയ സൈനിക ആക്രമണത്തിലാണ് അദ്‌നാനി കൊല്ലപ്പെട്ടത്. ഐ.എസ് വാര്‍ത്തകള്‍ പുറത്തുവിടുന്ന വാര്‍ത്താ ഏജന്‍സി അമാക്ക് മരണവിവരം സ്ഥിരീകരിച്ചു.
അദ്‌നാനിയുടെ തലക്ക് അഞ്ച് മില്യണ്‍ ഡോളര്‍ യു.എസ് പാരിതോഷികം പ്രഖ്യാപിച്ചിരുന്നു. 2015ല്‍ പെന്റഗണ്‍ പുറത്തിറക്കിയ ഭീകരരുടെ പട്ടികയില്‍ അദ്‌നാനി അടക്കം നാലു പേര്‍ ഉള്‍പ്പെട്ടിരുന്നു. ഇവരെ ലക്ഷ്യമിട്ട് നിരവധി വ്യോമാക്രമണങ്ങളാണ് യു.എസ് സഖ്യസേന നടത്തിയിരുന്നത്. മരണവുമായി ബന്ധപ്പെട്ട യുഎസ് പ്രതികരണം ഇതുവരെ പുറത്ത് വന്നിട്ടില്ല
2003ലെ ഇറാഖ് ആക്രമണം മുതല്‍ യു.എസിനെതിരെ പോരാടുന്ന വിദേശ പൗരനായ അദ്‌നാനി ഐ.എസിന്റെ രണ്ടാമത്തെ മുതിര്‍ന്ന നേതാവായാണ് അറിയപ്പെടുന്നത്.
Discussion about this post