ഇന്ന് മാര്ച്ച് 8 ലേക വനിതാദിനം. ലോകമെങ്ങുമുള്ള വനിതകളുടെ അവകാശം സംരക്ഷിക്കപ്പെടേണ്ട ദിനം. എന്നാല് ഓരോ ദിവസവും പുറത്തുവന്നുകൊണ്ടിരിക്കുന്ന വാര്ത്തകള് പെണ്സുരക്ഷയെക്കുറിച്ചുള്ള നടുക്കങ്ങളാണ് സൃഷ്ടിക്കുന്നത്.ഡല്ഹിയില് രണ്ടുവര്ഷം മുന്പ് ക്രൂരമായ മാനഭംഗത്തിനിരയായി കൊലചെയ്യപ്പെട്ട മകളെയോര്ത്ത് വിങ്ങിപ്പൊട്ടുന്ന നിര്ഭയയുടെ മാതാപിതാക്കള്..ഇങ്ങനെയോ എത്രയോ സംഭവങ്ങള് ..
സഹനത്തിന്റെ ഒടുവില് സ്ത്രീകള് നടത്തിയ ഉജ്വലമായ മുന്നേറ്റത്തെയാണ്അന്താരാഷ്ട്ര വനിതാദിനം കുറിക്കുന്നത്. സ്വന്തം ജോലിസ്ഥലത്തെ സൗകര്യങ്ങളും ജീവിത സാഹചര്യങ്ങളും മെച്ചപ്പെടുത്താന് സ്ത്രീകള് നടത്തിയ മുന്നേറ്റത്തിന്റെയും വ്യവസായ കുത്തകകളുടെ ആധിപത്യത്തിനുമേല് വരിച്ച വിജയത്തിന്റെയും ഓര്മ്മപ്പെടലാണ് അന്താരാഷ്ട്ര വനിതാ ദിനം. കുറഞ്ഞ വേതനത്തിലും മോശപ്പെട്ട തൊഴില് സാഹചര്യത്തിലും ജീവിക്കേണ്ടിവന്ന സ്ത്രീകളുടെ നിശ്ചയദാര്ഢ്യമാണ് അന്താരാഷ്ട്ര വനിതാ ദിനമെന്ന ആശയത്തിന് കാരണമായത്.
1857 മാര്ച്ച് എട്ടിന്, ന്യൂയോര്ക്കിലെ വനിതകള് നടത്തിയ സമരവും പ്രക്ഷോഭവുമാണ് വനിതാദിനത്തിന് തുടക്കമായത്. തുണി മില്ലുകളില് തൊഴിലെടുത്തിരുന്ന ആയിരക്കണക്കിന് സ്ത്രീകള്, കുറഞ്ഞ ശമ്പളത്തിനും അതിദീര്ഘമായ തൊഴില് സമയത്തിനും മുതലാളിത്തത്തിനുമെതിരെ വോട്ടുചെയ്യാനുമുളള അവകാശത്തിനുവേണ്ടി ആദ്യമായി ശബ്ദമുയര്ത്തി. ആ ശബ്ദം നൂറ്റാണ്ടുകളിലൂടെ സ്ത്രീ ശബ്ദമായി മാറി. ന്യൂയോര്ക്കില് ഉയര്ന്ന ഈ സമരാഗ്നി ലോകമാകെ പടര്ന്നുപിടിക്കാന് അധികകാലം വേണ്ടിവന്നില്ല. ലോകത്തിന്റെ പല ഭാഗങ്ങളിലും സ്ത്രീകള് സംഘടിക്കാനും അവകാശങ്ങള്ക്കുവേണ്ടി ശബ്ദമുയര്ത്താനും തുടങ്ങി.
യു.എസ്സില് 1909 ഫെബ്രുവരി 28ന് വനിതാദിനം ആചരിച്ചു. 1910ല് കോപ്പന്ഹേഗനില് നടന്ന സമ്മേളനത്തില്, ലോക വനിതാ ദിനം ആചരിക്കണമെന്ന ആവശ്യമുയര്ന്നു. തുടര്ന്ന്, 1911 മാര്ച്ച് 19ന് ജര്മ്മനിയും സ്വിറ്റ്സര്ലന്ഡും ഉള്പ്പെടെയുള്ള രാജ്യങ്ങള് വനിതാ ദിനം ആചരിച്ചു. ജര്മ്മനിയിലെ സോഷ്യലിസ്റ്റ് ഡെമോക്രാറ്റിക് പാര്ട്ടി വനിതാ വിഭാഗം അദ്ധ്യക്ഷ ക്ലാരസെട്കിനിന്റെ നേതൃത്വത്തിലായിരുന്നു ഇത്. അന്ന് 17 രാജ്യങ്ങളില് നിന്നുള്ള വനിതാ പ്രതിനിധികള് പങ്കെടുത്ത സമ്മേളനത്തില് ഉയര്ന്നുവന്ന ആശയത്തിന് അപ്പോള്ത്തന്നെ അംഗീകാരം നല്കി. തൊട്ടടുത്ത വര്ഷം, അതായത് ഒരു നൂറ്റാണ്ട് മുമ്പ് 1911 മാര്ച്ച് എട്ടിന്, അന്താരാഷ്ട്രതലത്തില് ഈ ദിനം വനിതാ ദിനമായി ആചരിച്ചു.1917 മാര്ച്ച് എട്ടിന് റഷ്യയില് നടത്തിയ വനിതാ ദിന പ്രകടനം, റഷ്യന് വിപ്ലവത്തിന്റെ ഒന്നാം ഘട്ടമായാണ് കണക്കാക്കപ്പെടുന്നത്. 1975ല്, ഐക്യരാഷ്ട്ര സഭ മാര്ച്ച് എട്ട് അന്താരാഷ്ട്ര വനിതാ ദിനമായി പ്രഖ്യാപിച്ചു.
പോരാട്ടത്തിന്റെ നൂറ്റാണ്ട് ചരിത്രമാണ് വനിതാ ദിനം പറയുന്നത്. നാം ജീവിക്കുന്ന സമൂഹം തുടര്പോരാട്ടത്തിലൂടെ ഉടച്ചുവാര്ക്കപ്പെടണ്ടേതുണ്ടെന്ന് ഓര്മ്മപ്പെടുത്തുകയും ചെയ്യുന്നു. നമ്മുടെ സ്ത്രീകള്, പെണ്മക്കള്, കുഞ്ഞുങ്ങള് എല്ലാവരുടെയും സുരക്ഷക്കായി സ്വയം ശക്തിപ്പെടേണ്ട കാലമായി എന്നാണ് ഈ ദിവസം നമ്മോട് പറയുന്നത്.
Discussion about this post