ഡല്‍ഹി: രാജ്യത്തെ നൂറ് റെയില്‍വേ സ്‌റ്റേഷനുകളിലേക്കു കൂടി ഗൂഗിള്‍ വൈഫൈ വ്യാപിപ്പിക്കുന്നു. കഴിഞ്ഞ സെപ്റ്റമ്പറില്‍ രാജ്യത്തെ 52 റെയില്‍വേ സ്റ്റേഷനുകളില് ഗൂഗിള്‍ വൈഫൈ സേവനം ലഭ്യമാക്കിയിരുന്നു. ഇതിന് തുടര്‍ച്ചയായാണ് കൂടുതല്‍ സ്റ്റേഷനുകളിലേക്ക് വൈഫൈ സേവനം വ്യാപിപ്പിക്കുന്നത്
അടുത്ത വര്‍ഷം അവസാനത്തോടു കൂടി ഇന്ത്യയിലെ 400 റെയില്‍വേ സ്റ്റേഷനുകളില് സൗജന്യ ഇന്റര്‍നെറ്റ് ലഭ്യമാക്കുമെന്നും ഗൂഗിള്‍ അറിയിച്ചു. ഇന്ത്യയിലെ തിരക്കേറിയ 100 റെയില്‍വേ സ്‌റ്റേഷനുകളിലാണ് ഗൂഗിളിന്റെ സേവനം ലഭ്യമാകുന്നത്. തമിഴ്‌നാട്ടിലെ ഉദകമണ്ഡലമാണ് ഗൂഗിളിന്റെ സേവനം ലഭ്യമാകുന്ന നൂറാമത്തെ റെയില്‍വേ സ്‌റ്റേഷന്‍. റെയില്‍ടെകുമായി ചേര്‍ന്നാണ് ഗൂഗിള്‍ പദ്ധതി നടപ്പിലാക്കുന്നത്.
Discussion about this post