കൊച്ചി: എഴുത്തുകാരന്‍ എം.ടി വാസുദേവന്‍ നായര്‍ വിമര്‍ശനത്തിന് അതീതനല്ലെന്ന് സംവിധായകന്‍ പ്രിയദര്‍ശന്‍. കേന്ദ്രസര്‍ക്കാരിന്റെ കറന്‍സി പിന്‍വലിക്കലുമായി ബന്ധപ്പെട്ട് എംടി നടത്തിയ പ്രതികരണവും തുടര്‍ന്നുണ്ടായ വിമര്‍ശനങ്ങളും സൂചിപ്പിച്ചായിരുന്നു പ്രിയദര്‍ശന്റെ അഭിപ്രായം. നന്മയക്ക് വേണ്ടിയുള്ള രാഷ്ട്രീയത്തിന് പകരം വൈരാഗ്യത്തിന്റെയും അധികാരത്തിന്റെയും രാഷ്ട്രീയമാണ് നിലവിലെ പ്രശനങ്ങള്‍ക്ക് കാരണമെന്നും അദ്ദേഹം പറഞ്ഞു. ഉണര്‍വ് കലാസാംകാരിക വേദിയുടെ ആഭിമുഖ്യത്തില്‍ നടന്ന സാംസ്‌കാരിക കൂട്ടായ്മ എറണാകുളത്ത് ഉദ്ഘാടനം ചെയ്യുകയായിരുന്നു അദ്ദേഹം.
രാഷ്ട്രീയ ചിന്താഗതികള്‍ ലോകത്ത് ഒരുപാട് വിപ്ലവങ്ങളും മാറ്റം മറിച്ചിലുകളും ഉണ്ടാക്കിയിട്ടുണ്ട്. അതെല്ലാം നന്‍മയ്ക്ക് വേണ്ടി ആയിരുന്നു. പക്ഷെ ഇന്ന് വൈരാഗ്യത്തിന്റെയും അധികാരത്തിന്റെയും രാഷ്ട്രീയമാണ് നടക്കുന്നത്. അത്തരം ഇടങ്ങളിലാണ് കലാകാരന്‍മാരും സാംസ്‌കാരിക രംഗത്ത് പ്രവര്‍ത്തിക്കുന്നവരും ഇടപെടേണ്ടതെന്നും അദ്ദേഹം ചൂണ്ടിക്കാട്ടി.
ചലചിത്ര നിര്‍മ്മാതാവ് സുരേഷ്‌കുമാര്‍, നടന്‍ ക്യപ്റ്റന്‍ രാജു, സംവിധായകന്‍ മേജര്‍ രവി തുടങ്ങിയവര്‍ ചടങ്ങില്‍ പങ്കെടുത്തു.
Discussion about this post