കൊറോണ ബാധിതനായ കേന്ദ്ര ആഭ്യന്തര മന്ത്രി അമിത് ഷാ വേഗം സുഖം പ്രാപിക്കട്ടെ എന്ന് ആശംസിച്ച് കോണ്ഗ്രസ് നേതാവ് രാഹുല് ഗാന്ധി. തന്റെ ഫേസ്ബുക്ക് കുറിപ്പിലൂടെയാണ് രാഹുല് ഗാന്ധി ഇക്കാര്യം അറിയിച്ചത്.
നേരത്തെ അമിത് ഷായ്ക്ക് കൊറോണ സ്ഥിരീകരിച്ചിരുന്നു. അമിത് ഷാ തന്നെയാണ് രോഗ വിവിരം അറിയിച്ചത്. കൊറോണയുടെ പ്രാഥമിക ലക്ഷണങ്ങള് കണ്ടതോടെയാണ് പരിശോധന നടത്തിയത്.
പരിശോധനയില് രോഗം സ്ഥിരീകരിച്ചതോടെ ആശുപത്രിയിലേക്ക് മാറ്റുകയായിരുന്നു. മേദാന്ത മെഡിസിറ്റി ആശുപത്രിയിലാണ് അദ്ദേഹത്തെ പ്രവേശിപ്പിച്ചിരിക്കുന്നത്. താനുമായി സമ്പര്ക്കത്തില് വന്നവര് നിരീക്ഷണത്തില് പോകണമെന്നും അദ്ദേഹം ആവശ്യപ്പെട്ടു.
തന്റെ ആരോഗ്യനിലയില് ഭയപ്പെടേണ്ടതായ ഒന്നുമില്ലെന്നും അദ്ദേഹം അറിയിച്ചിട്ടുണ്ട്. ഡോക്ടര്മാരുടെ നിര്ദ്ദേശ പ്രകാരമാണ് അദ്ദേഹത്തെ ആശുപത്രിയില് പ്രവേശിപ്പിച്ചിരിക്കുന്നത്.
https://www.facebook.com/rahulgandhi/posts/1046326932468361
Discussion about this post