കണ്ണൂർ: കണ്ണൂർ അന്താരാഷ്ട്ര വിമാനത്താവളത്തിൽ വീണ്ടും സ്വർണ്ണവേട്ട. വാച്ചിനുള്ളിൽ ഒളിപ്പിച്ച് കടത്താൻ ശ്രമിച്ച സ്വർണ്ണവുമായി കാസർകോഡ് സ്വദേശി പിടിയിലായി. ദുബായിൽ നിന്നെത്തിയ എയർ ഇന്ത്യ എക്സ്പ്രസ് യാത്രക്കാരനായ അബ്ദുൾ ഖയൂമിൽ നിന്നാണ് സ്വർണ്ണം പിടികൂടിയത്. വാച്ചിനുള്ളിൽ ഒളിപ്പിച്ച് 83.5 ഗ്രാം സ്വർണ്ണമാണ് ഇയാൾ കടത്താൻ ശ്രമിച്ചത്.
യു എ ഇ കോൺസുലേറ്റുമായി ബന്ധപ്പെട്ട തിരുവനന്തപുരം സ്വർണ്ണക്കടത്ത് കേസിൽ കേന്ദ്ര ഏജൻസികളുടെ അന്വേഷണം ഭീകരവാദ സംഘടനകളിൽ എത്തി നിൽക്കുമ്പോഴും സംസ്ഥാനത്ത് വൻ തോതിൽ സ്വർണ്ണക്കടത്ത് തുടരുകയാണ്. കുഴമ്പ് രൂപത്തിലാക്കിയും അടിവസ്ത്രത്തിലും ശരീരഭാഗങ്ങളിൽ ഒളിപ്പിച്ചുമാണ് പ്രധാനമായും സ്വർണ്ണം കടത്തുന്നത്.
അതേസമയംസ്വർണ്ണക്കടത്ത് കേസുമായി ബന്ധപ്പെട്ട അന്വേഷണം മതതീവ്രവാദ സംഘടനകളിലേക്കും ഹവാല ഇടപാടുകാരിലേക്കും നീളുന്ന സാഹചര്യത്തിലും തുടരുന്ന ഇത്തരം സംഭവങ്ങളിൽ ശക്തമായ അന്വേഷണത്തിന് തയ്യാറാകുകയാണ് കേന്ദ്ര ഏജൻസികൾ.
Discussion about this post