ഡല്‍ഹി:ഇന്ത്യയില്‍ ഇസ്‌ലാമിക് സ്‌റ്റേറ്റ് ഭീകരര്‍ ആക്രമണം നടത്താന്‍ ഒരുങ്ങുന്നുവെന്ന് ബ്രിട്ടന്റെ മുന്നറിയിപ്പ്. ഇന്ത്യ-യുകെ ഭീകരവാദ വിരുദ്ധ സമ്മേളനത്തില്‍ വച്ചാണ് ബ്രിട്ടന്റെ മുന്നറിയിപ്പ്. പശ്ചിമേഷ്യ കേന്ദ്രമാക്കി പ്രവര്‍ത്തിക്കുന്ന ഭീകര സംഘടനകളുടെ പ്രവര്‍ത്തനങ്ങള്‍ സസൂക്ഷം നിരീക്ഷിക്കാനും ബ്രിട്ടന്‍ ഇന്ത്യയോട് ആവശ്യപ്പെട്ടു.
പെഷാവറില്‍ സൈനിക സ്‌കൂളിനു നേരെയുണ്ടായ ആക്രമണത്തിന്റെ പശ്ചാത്തലത്തില്‍ ഭീകരരെ സംബന്ധിച്ച് നല്ലത്-ചീത്ത എന്ന വേര്‍തിരിവ് നടത്തുന് പാക്കിസ്ഥാന്റെ നടപടിയെ ഇന്ത്യ എതിര്‍ത്തു. ഇത്തരത്തിലുള്ള വേര്‍തിരിവല്ല വേണ്ടതെന്ന് പാക്കിസ്ഥാനോട് നിര്‍ദ്ദേശിക്കണമെന്നും ഇന്ത്യ ആവശ്യപ്പെട്ടു.
ലഷ്‌കറെ തയിബയില്‍ നിന്നുള്ള ആക്രമണസാധ്യത നിലനില്‍ക്കുന്നുണ്ട്. ഇക്കാര്യം ബ്രിട്ടന്‍ ധരിപ്പിച്ചിട്ടുണ്ട്. ഐഎസില്‍ നിന്നുള്ള ആക്രമണത്തിന് സാധ്യതയുണ്ടെന്നും അവര്‍ അറിയിച്ചിട്ടുണ്ടെന്നും ഉദ്യോഗസ്ഥര്‍ പറഞ്ഞു. പാക്കിസ്ഥാന്‍ കേന്ദ്രീകരിച്ച ഭീകരസംഘടനകളേക്കാളും ഇസ്‌ലാമിക് സ്‌റ്റേറ്റ് പോലുള്ളവയെക്കുറിച്ച് പഠിക്കുന്ന രാജ്യമാണ് ബ്രിട്ടന്‍.
Discussion about this post