ലാഹോര്‍ : തീവ്രവാദ പ്രവര്‍ത്തനങ്ങള്‍ തടയുന്നതിനായാണ് തന്റെ സര്‍ക്കാരിന്റെ നല്ലൊരുപങ്കും പാഴായിപ്പോകുന്നതെന്ന് പാക് പ്രധാനമന്ത്രി നവാസ് ഷെരീഫ്. അതിനാല്‍ വികസനപ്രവര്‍ത്തനങ്ങള്‍ക്ക് സമയമില്ലെന്നും അദ്ദഹം പറഞ്ഞു. സിയാല്‍ കോട്ടില്‍ ബിസിനസുകാരുടെ സമ്മേളനത്തില്‍ പ്രസംഗിക്കുകയായിരുന്നു അദ്ദേഹം.
രാജ്യത്ത് നിന്ന് ഭീകരപ്രവര്‍ത്തനം തുടച്ചു നീക്കും. ഭീകരര്‍ക്ക് എതിരായ സൈനിക നടപടി വടക്കന്‍ വസീറിസ്ഥാനില്‍ ജൂണിലാരംഭിച്ചതാണ്. അവസാന ഭീകരനെയും കൊല്ലുംവരെ അത് തുടരുമെന്നും അദ്ദേഹം പറഞ്ഞു. ഭീകരരുടെ നട്ടെല്ല് തകര്‍ത്ത പാക് സൈന്യത്തെ അദ്ദേഹം പ്രശംസിച്ചു.
രാജ്യത്തെ ഊര്‍ജ്ജപ്രശ്‌നത്തിന് രണ്ട് വര്‍ഷത്തിനുള്ളില്‍ പരിഹാരമുണ്ടാക്കും. ഗ്യാസും കറന്റും ഇല്ലാതെ ഒരു രാജ്യത്തിനും പുരോഗതി കൈവരിക്കാന്‍ കഴിയില്ല.ഭീകരപ്രവര്‍ത്തനം തടയാനും ഊര്‍ജ്ജ പ്രതിസന്ധി തരണം ചെയ്യാനുമുള്ള നടപടികള്‍ തന്റെ സര്‍ക്കാര്‍ കൈക്കൊണ്ടുവരികയാണെന്നും അദ്ദേഹം പറഞ്ഞു.
Discussion about this post