പുല്വാമ ഭീകരാക്രമണം നടത്തിയ ജയ്ഷ്-എ-മുഹമ്മദ് തലവന് മസൂദ് അസറിനെ ഐക്യരാഷ്ട്രസഭയിലെ രക്ഷാ സമിതിയില് ആഗോള ഭീകരവാദിയായി പ്രഖ്യാപിക്കുന്നതിന് വേണ്ടി ചൈനയ്ക്ക് മേല് സമ്മര്ദ്ദം ചെലുത്തി യു.എസ്. പാക്കിസ്ഥാനിലുള്ള ഭീകര സംഘടനയെ ചൈന സംരക്ഷിക്കാന് പാടില്ലായെന്നും ഉത്തരവാദിത്തമുള്ള ഒരു ആഗോള ശക്തിയെന്ന നിലയില് ഭീകരവാദത്തിനെതിരെ ഉറച്ച നിലപാടെടുക്കണമെന്നും യു.എസിലെ ഒരു മുതിര്ന്ന സര്ക്കാര് ഉദ്യോഗസ്ഥന് പറഞ്ഞു.
ഫെബ്രുവരി 14ന് പുല്വാമയില് നടന്ന ഭീകരാക്രമണത്തിന് ശേഷം പാക്കിസ്ഥാന് ഒറ്റപ്പെട്ടിരിക്കുകയാണെന്നും ഭീകരവാദികളെ പിന്തുണയ്ക്കുന്ന പാക് നിലപാടിനെതിരെ ശക്തമായ നടപടി പാക്കിസ്ഥാന് തന്നെ എടുക്കണമെന്നും യു.എസ് ആഗ്രഹിക്കുന്നു.
പാക്കിസ്ഥാന് നിലവില് ഭീകരവാദ സംഘടനകളുമായി ബന്ധമുള്ള 120 പേരെ കസ്റ്റഡിയിലെടുത്തിട്ടുണ്ട്. ഇതിന് മുന്പ് ഭീകരരായ ഹഫീസ് സയിദിനെയും മസൂദ് അസറിനെയും പാക്കിസ്ഥാന് കസ്റ്റഡിയിലെടുത്തിട്ടുണ്ടായിരുന്നെങ്കിലും പിന്നീട് പാക്കിസ്ഥാന് തന്നെ വിട്ടയച്ചിട്ടുമുണ്ട്.
ഇന്ത്യയും പാക്കിസ്ഥാനും തമ്മില് നിലനില്ക്കുന്ന സംഘര്ഷാവസ്ഥയില് അയവ് വരുത്താന് വേണ്ടി യു.എസും ബ്രിട്ടനും ഒരുമിച്ച് പ്രവര്ത്തിക്കുമെന്ന് യു.എസ് സ്റ്റേറ്റ് സെക്രട്ടറി മൈക്കിള് പോംപിയോയും ബ്രിട്ടന്റെ ദേശീയ സുരക്ഷാ ഉപദേഷ്ടാവ് മാര്ക്ക് സെഡ്വിലും തമ്മില് വെള്ളിയാഴ്ച നടന്ന യോഗത്തിന് ശേഷം തീരുമാനമായിരുന്നു.
Discussion about this post