സെൻട്രൽ ജയിലിൽ നിന്ന് ഇനി നിങ്ങളുടെ സ്വീകരണ മുറിയിലേക്കും വാർത്തകളും വിശേഷങ്ങളും എത്തും. ഫ്രീഡം ചാനലിലൂടെയാണ് ആഴ്ചയിൽ രണ്ട് ദിവസം തടവുകാർക്ക് ഇതിനുള്ള സൗകര്യങ്ങൾ ഒരുക്കുന്നത്. വാർത്ത വായിക്കുന്നതും എഡിറ്റ് ചെയ്യുന്നതും ക്യാമറമാനുമെല്ലാം ജയിൽപുള്ളികൾ തന്നെയാണ് എന്നതാണ് ഫ്രീഡം ചാനലിന്റെ പ്രത്യേകത. മൂന്ന് മാസം മുമ്പാണ് ചാനൽ പ്രവർത്തനം ആരംഭിച്ചത്.
വാർത്തകളും തടവുകാരുടെ നിയമപ്രശ്നങ്ങൾ കൈകാര്യം ചെയ്യുന്നതിനുള്ള ‘ലോ പോയിന്റുമാണ് നിലവിലെ ഹിറ്റ് പരിപാടികള്. ഇതിന് പുറമേ തടവുകാര് നിര്മ്മിക്കുന്ന ഹ്രസ്വചിത്രങ്ങള്, കോമഡി ഷോ, മിമിക്രി എന്നിവയും ചാനല് സംപ്രേഷണം ചെയ്യും. പരിപാടികളെ കുറിച്ചുള്ള അഭിപ്രായം അറിയിക്കുന്നതിനായും അധികൃതർ സൗകര്യം ഒരുക്കിയിട്ടുണ്ട്.
Discussion about this post