ഏഴു വര്ഷത്തിനു ശേഷം ജഗതി വീണ്ടും ക്യാമറയ്ക്ക് മുമ്പില് എത്തിയ പരസ്യചിത്രം റിലീസ് ചെയ്തു. തൃശ്ശൂരിലെ സില്വര് സ്റ്റോം വാട്ടര് തീം പാര്ക്കിന്റെ പരസ്യത്തിലൂടെയാണ് ജഗതി വീണ്ടും ക്യാമറക്ക് മുന്നില് എത്തിയത്. ജഗതിക്കൊപ്പം മകന് രാജ്കുമാര്, മകള് പാര്വതി ഷോണ് മറ്റു കുടുംബാംഗങ്ങളും അഭിനയിക്കുന്നുണ്ട്. ജഗതിയുടെ മകന് രാജ്കുമാര് ആരംഭിച്ച പരസ്യ കമ്പനിയായ ‘ജഗതി ശ്രീകുമാര് എന്റര്ടെയ്ന്മെന്റ്സ്’ ആണ് ഈ പരസ്യത്തിനു പിന്നില്.
നേരത്തെ പരസ്യചിത്രം മമ്മൂട്ടിയും മോഹന്ലാലും ചേര്ന്ന് റിലീസ് ചെയ്തിരുന്നു. കൊച്ചിയില് സംഘടിപ്പിച്ച ചടങ്ങിലായിരുന്നു പരസ്യചിത്രത്തിന്റെ പ്രകാശനം. തിരുവമ്പാടി തമ്പാന്’ എന്ന സിനിമയിലാണ് ഏറ്റവും ഒടുവില് ജഗതി അഭിനയിച്ചത്. ലെനിന് രാജേന്ദ്രന്റെ സിനിമയുടെ ലൊക്കേഷനിലേക്കു പോകുമ്പോഴായിരുന്നു വാഹനാപകടം. തുടര്ന്ന് ഏഴ് വര്ഷമായി ജഗതി വീല്ചെയറിലാണ്.
നിലവിലെ ആരോഗ്യസ്ഥിതിയുടെ പരിമിതികളില് നിന്നുകൊണ്ട് ജഗതി അഭിനയിച്ചിരിക്കുന്ന ഒരു പരസ്യചിത്രമാണ് സില്വര് സ്റ്റോം വാട്ടര് തീം പാര്ക്കിന്റേത്.
Discussion about this post