ബാര്‍കോഴ വിഷയവുമായി ബന്ധപ്പെട്ട് ആരോപണങ്ങളുടെ അടിസ്ഥാനത്തില്‍ ധനമന്ത്രി കെ.എം. മാണിയുടെ രാജി ആവശ്യപ്പെട്ട് നിയമസഭയില്‍ പ്രതിപക്ഷ ബഹളം. ഈ ആവശ്യമുന്നയിച്ചുളള പ്ലക്കാര്‍ഡുകളുമായിട്ടാണ് പ്രതിപക്ഷാംഗങ്ങള്‍ സഭയിലെത്തിയത്.
ബാര്‍കോഴ കേസിലെ വിജിലന്‍സ് റിപ്പോര്‍ട്ട് സഭ നിര്‍ത്തിവച്ച് ചര്‍ച്ച ചെയ്യണമെന്നാവശ്യപ്പെട്ട് പ്രതിപക്ഷം അടിയന്തര പ്രമേയത്തിനും നോട്ടീസ് നല്‍കി.എന്നാല്‍ കോടതി പരിഗണനയിലുള്ള വിഷയമായതിനാല്‍ ചര്‍ച്ച ചെയ്യാനാകില്ല എന്ന് സ്പീക്കര്‍ അറിയിച്ചു.അനുമതി നിഷേധിച്ചതിനെതിരെ പ്രതിപക്ഷം സഭയുടെ നടുത്തളത്തില്‍ കുത്തിയിരുന്ന് പ്രതിഷേധിച്ചു.ഇതേതുടര്‍ന്ന് സഭ ഇന്നത്തേക്ക് പിരിഞ്ഞു.
അഴിമതി മൂടിവയ്ക്കാനാണ് സര്‍ക്കാര്‍ ശ്രമിക്കുന്നതെന്ന് പ്രതിപക്ഷ നേതാവ് വിഎസ് അച്ച്യുതാനന്ദന്‍ ആരോപിച്ചു. മാണിയും ഉമ്മന്‍ ചാണ്ടിയുമടക്കമുള്ള കള്ളക്കൂട്ടങ്ങളെ വെറുതേ വിടില്ല എന്നും വിഎസ് പറഞ്ഞു.
Discussion about this post