‘വിവാഹത്തിലെ ബഹുസ്വരതയാണോ ഉദ്ദേശിച്ചത്’തരൂരിന്റെ ട്വിറ്റിന് കെ സുരേന്ദ്രന്റെ തിരിച്ചടി

പ്രധാനമന്ത്രി നരേന്ദ്ര മോദിയുടെ ഭാഷാ ചലഞ്ച് ആദ്യം ഏറ്റെടുത്തത് കോണ്‍ഗ്രസ് നേതാവും എംപിയുമായ ശശി തരൂരായിരുന്നു. ഒരു ദിവസം ഒരു ഭാഷയിലെ ഒരു വാക്ക് പഠിക്കാമെന്ന നിര്‍ദേശത്തിന് പ്രധാനമന്ത്രിക്ക് ബഹുസ്വരത എന്ന് അര്‍ഥം വരുന്ന Pluralism എന്ന വാക്കാണ് ശശി തരൂര്‍ നിര്‍ദേശിച്ചത്.

എന്നാലിപ്പോള്‍ തരൂരിന് മറുപടിയുമായി രംഗത്തെത്തിയിരിക്കുകയാണ് ബി.ജെ.പി സംസ്ഥാന ജനറല്‍ സെക്രട്ടറി കെ സുരേന്ദ്രന്‍. ട്വിറ്ററിലാണ് സുരേന്ദ്രന്‍ ശശി തരൂരിന് കുറിക്ക് കൊള്ളുന്ന മറുപടിയുമായി എത്തിയത്.

When @ShashiTharoor chooses #pluralism as the starting word for #LanguageChallenge, I suppose he might have meant #MaritalPluralism too!

— K Surendran(മോദിയുടെ കുടുംബം) (@surendranbjp) August 30, 2019

Pluralism കൊണ്ട് Marital Pluralism ( ഒന്നിലധികം വിവാഹങ്ങള്‍) എന്ന് കൂടിയാവാം തരൂര്‍ ഉദ്ദേശിച്ചതെന്നാണ് കെ സുരേന്ദ്രന്റെ പരിഹാസം.

“മനോരമ ന്യൂസ് കോൺക്ലേവിൽ പ്രധാനമന്ത്രി നരേന്ദ്ര മോദി തന്‍റെ പ്രസംഗം അവസാനിപ്പിച്ചത് ഒരു ദിവസം ഏതെങ്കിലും ഇന്ത്യൻ ഭാഷയിലെ ഒരു വാക്ക് കൂടി അധികമായി പഠിക്കണം എന്നു പറഞ്ഞുകൊണ്ടാണ്.” – ഇങ്ങനെ കുറിച്ചാണ് ശശി തരൂർ ബഹുവചനം എന്ന വാക്ക് പരിചയപ്പെടുത്തിയത്.