ദമ്മാം: ദമ്മാമ്മില് നടന്ന ഏറ്റുമുട്ടലിൽ രണ്ട് ഭീകരരെ സൗദി സുരക്ഷാസേന വധിച്ചു. ബുധനാഴ്ച ഉച്ചയോടെയാണ് ഏറ്റുമുട്ടൽ ഉണ്ടായത്. ദമ്മാം സിറ്റിക്കടുത്തുള്ള അല്അനൂദ് ഭാഗത്തുവെച്ചാണ് ഭീകര കേസുകളുമായി ബന്ധപ്പെട്ട് പോലീസ് അന്വേഷിക്കുന്ന രണ്ട് പിടികിട്ടാപ്പുള്ളികള് സുരക്ഷാ വിഭാഗത്തിന്റെ ഓപ്പറേഷനില് കൊല്ലപ്പെട്ടത്.
കൊല്ലപ്പെട്ട ഭീകരവാദികളുടെ വ്യക്തിഗത വിവരങ്ങള് അധികൃതര് ഇതുവരെ പുറത്തുവിട്ടിട്ടില്ല.ലഭ്യമായ വിവരമനുസരിച്ചു അല്അനൂദ് ഏരിയയിലുള്ള ഒരു സ്വദേശിയുടെ വീട് രണ്ട് ഭീകരര് സുരക്ഷിത താവളമാക്കി കഴിയുകയായിരുന്നു. ഇത് സംബന്ധിച്ച വിവരം സുരക്ഷാ വിഭാഗം അറിയുകയും പിടികൂടാനായി സ്ഥലത്തെത്തുകയും ചെയ്തു. എന്നാല് സേനക്കുനേരെ ഭീകരര് വെടിവെപ്പ് നടത്തുകയായിരുന്നു. സുരക്ഷാ വിഭാഗം തിരിച്ചു വെടിവെച്ചപ്പോഴാണ് രണ്ട് ഭീകരരും കൊല്ലപ്പെട്ടതെന്നാണ് റിപ്പോര്ട്ട്.
Discussion about this post