മാതൃഭൂമി ന്യൂസ് അവതാരകന് വേണു ബാലകൃഷ്ണനെതിരെ പ്രതികരണവുമായി മാധ്യമപ്രവര്ത്തകരും. യുവമോര്ച്ച് നേതാവ് സന്ദീപ് വാര്യരോട് മാന്യതയില്ലാതെയാണ് വേണു പെരുമാറിയതെന്നാണ് ആരോപണം. മാധ്യമധാര്മ്മികതയ്ക്ക് നിരക്കുന്നതല്ല വേണുവിന്റെ പെരുമാറ്റമെന്നാണ് വിലയിരുത്തല്. ടിവി അവതാകനെയും ജനങ്ങള് വിലയിരുത്തുക തന്നെ ചെയ്യുമെന്ന് മുതിര്ന്ന മാധ്യമപ്രവര്ത്തകന് വടയാര് സുനില് പറഞ്ഞു.
ഒരു ആങ്കര് നിഷ്പക്ഷനായിരിക്കണം. വാദഗതികളില് നിന്നും വസ്തുത പുറത്തു കൊണ്ടുവരാന് ശ്രമിക്കുന്നവനാകണം. വേണുവിനെ പക്ഷേ ഭരിക്കുന്നത് അഹന്ത മാത്രമാണ്. ക്ഷണിച്ചു വരുത്തിയ അതിഥികളോട് വിവേചനപരമായും നിന്ദാ പൂര്വ്വവും മാത്രം പെരുമാറുന്ന ഇയാള് ഒരു കഥാകൃത്തും കൂടിയാണത്രേ. വേണുവിന്റെ ഒറ്റക്കഥയെങ്കിലും വായനക്കാരുടെ സ്മൃതി പഥത്തിലുണ്ടോ?-എന്നും കേരള കൗമുദി കോഡിനേറ്റിംഗ് എഡിറ്റര് വടയാര് സുനില് ചോദിക്കുന്നു.
https://www.facebook.com/vadayarsunil/posts/10159545471384546
ക്ഷണിച്ചു വരുത്തിയ ഒരാളോട് ഇങ്ങനെ മോശമായി പെരുമാറാന് പാടുണ്ടോയെന്ന് ഹിന്ദുസ്ഥാന് സമാചാര് റിപ്പോര്ട്ടറായ ജിബി സദാശിവന് ചോദിക്കുന്നു.
മാധ്യമ പ്രവര്ത്തകന് കൊമ്പില്ല എന്ന് എന്നാണ് വേണുവിനെ പോലെയുള്ളവര് തിരിച്ചറിയുകയെന്നും അദ്ദേഹം ചോദിക്കുന്നു.
https://www.facebook.com/jibi.sadasivan.3/posts/10222461842231761
https://www.facebook.com/abhilash.gnair.7/posts/1880209688778884
ഇന്നലെ രാത്രി എട്ടിന് നടന്ന ചാനല് ചര്ച്ചയ്ക്കിടെയാണ് സന്ദീപ് വാര്യരെ അപമാനിക്കുന്ന പരാമര്ശം വേണു ബാലകൃഷ്ണന് നടത്തിയത്. തനിക്ക് സംസാരിക്കാന് അവസരം കിട്ടുന്നില്ല എന്ന് ചൂണ്ടിക്കാട്ടിയ സന്ദീപ് വാര്യരോട് സൗകര്യമുണ്ടെങ്കില് ഇരുന്നാല് മതിയെന്നായിരുന്നു വേണുവിന്റെ പ്രതികരണം. ഇതിന് പിന്നാലെ ക്ഷണിച്ചു വരുത്തിയ തന്നോട് മാന്യമായി പെരുമാറണമെന്നും, വേണു വാക്കുകള് പിന്വലിക്കണമെന്നും സന്ദീപ് വാര്യര് ആവശ്യപ്പെട്ടു. എന്നാല് ഒരു വാക്ക് പോലും പിന്വലിക്കില്ല എന്നായിരുന്നു വേണുവിന്റെ ധാര്ഷ്ട്യത്തോടെയുള്ള മറുപടി. ഇതിന് പിന്നാലെ സന്ദീപ് വാര്യര് ചര്ച്ച ബഹിഷ്ക്കരിക്കുകയായിരുന്നു.
ചര്ച്ച ബഹിഷ്ക്കരിച്ചതിന് പിന്തുണയും അഭിന്ദനവും അറിയിച്ച് സന്ദീപ് വാര്യരുടെ ഫേസ്ബുക്ക് പേജിലും കമന്റുകളുടെ പ്രവാഹമാണ്. കഴിഞ്ഞ ദിവസം ചാനല് ചര്ച്ചയ്ക്കിടെ വേണുവിന്റെ വിവേചനപരമായ നിലപാട് സന്ദീപ് വാര്യര് പൊളിച്ചടുക്കിയിരുന്നു. ഇതിന് പകരമായി ഇന്നത്തെ ചര്ച്ചയില് സന്ദീപിനെതിരെ ഡിവൈഎഫ്ഐ നേതാവ് റഹീമിനൊപ്പം ചേര്ന്ന് ധാര്മ്മികതയില്ലാത്ത നിലപാട് വേണുവെടുത്തുവെന്നാണ് വിലയിരുത്തല്. ചര്ച്ച ബഹിഷ്ക്കരിക്കും മുമ്പ് ഇക്കാര്യം സന്ദീപ് വാര്യരും ചൂണ്ടിക്കാട്ടിയിരുന്നു.
Discussion about this post