‘നാരീ ശക്തിക്ക് പ്രണാമം‘; വനിതാ ദിനത്തിൽ തന്റെ സാമൂഹിക മാദ്ധ്യമ അക്കൗണ്ടുകൾ സ്ത്രീകളെ ഏൽപ്പിച്ച് പ്രധാനമന്ത്രി

ഡൽഹി: അന്താരാഷ്ട്ര വനിതാ ദിനത്തിൽ നാരീശക്തിക്ക് അഭിവാദ്യമർപ്പിച്ച് പ്രധാനമന്ത്രി നരേന്ദ്ര മോദി. തന്റെ സാമൂഹിക മാദ്ധ്യമ അക്കൗണ്ടുകളുടെ നിയന്ത്രണം മികച്ച നേട്ടങ്ങൾ കരസ്ഥമാക്കിയ ഏഴ് വനിതകളെ ഏൽപ്പിച്ചാണ് നരേന്ദ്ര മോദി വനിതാദിനം അർത്ഥപൂർണ്ണമാക്കിയത്.

‘വനിതാദിനാശംസകൾ. നമ്മുടെ നാരീശക്തിയുടെ പ്രാധാന്യത്തെയും നേട്ടങ്ങളെയും വണങ്ങുന്നു. മുൻ നിശ്ചയപ്രകാരം ഞാൻ സൈൻ ഓഫ് ചെയ്യുന്നു. മികച്ച നേട്ടങ്ങൾക്കുടമകളായ ഏഴ് സ്ത്രീകൾ ഇന്നേ ദിവസം എന്റെ സാമൂഹിക മാദ്ധ്യമ അക്കൗണ്ടുകളിലൂടെ സംവദിക്കുകയും തങ്ങളുടെ ജീവിതാനുഭവങ്ങൾ പങ്ക് വെക്കുകയും ചെയ്യും.‘ അദ്ദേഹം വ്യക്തമാക്കി.

Greetings on International Women’s Day! We salute the spirit and accomplishments of our Nari Shakti.
As I’d said a few days ago, I’m signing off. Through the day, seven women achievers will share their life journeys and perhaps interact with you through my social media accounts.

— Narendra Modi (@narendramodi) March 8, 2020

‘രാജ്യത്തിന്റെ എല്ലാ ഭാഗങ്ങളിലും നമുക്ക് മികച്ച വനിതാരത്നങ്ങൾ ഉണ്ട്. പല മേഖലകളിലും പ്രതിഭാവിശേഷം പ്രകടമാക്കിയവരാണ് ഈ മഹതികൾ. അവരുടെ പോരാട്ടങ്ങളും വിജയങ്ങളും രാജ്യത്തെ പ്രചോദിപ്പിക്കും. അത്തരം സ്ത്രീകളുടെ നേട്ടങ്ങൾ ആഘോഷിക്കപ്പെടേണ്ടതും അവരിൽ നിന്നും നാം പാഠങ്ങൾ ഉൾക്കൊള്ളേണ്ടതുമാകുന്നു.‘ പ്രധാനമന്ത്രി കൂട്ടിച്ചേർത്തു.

You heard of food for thought. Now, it is time for action and a better future for our poor.

Hello, I am @snehamohandoss. Inspired by my mother, who instilled the habit of feeding the homeless, I started this initiative called Foodbank India. #SheInspiresUs pic.twitter.com/yHBb3ZaI8n

— Narendra Modi (@narendramodi) March 8, 2020

ഫുഡ് ബാങ്ക് ഇന്ത്യയുടെ സ്ഥാപകയായ സ്നേഹ മോഹൻദോസാണ് പ്രധാനമന്ത്രിയുടെ ട്വിറ്റർ ഹാൻഡിൽ കൈകാര്യം ചെയ്ത ആദ്യ വനിത. സാമൂഹിക മാദ്ധ്യമ അക്കൗണ്ടുകൾ ഉപേക്ഷിക്കുകയാണെന്ന പ്രധാനമന്ത്രിയുടെ മാർച്ച് രണ്ടിലെ പ്രഖ്യാപനം ഞെട്ടലോടെയായിരുന്നു അദ്ദേഹത്തിന്റെ അനുയായികൾ സ്വീകരിച്ചത്. എന്നാൽ വനിതാ ദിനാഘോഷങ്ങളുടെ ഭാഗമായി സ്ത്രീകളെ ആദരിക്കുന്നതിന് വേണ്ടി അവർക്ക് തന്റെ സാമൂഹിക മാദ്ധ്യമ അക്കൗണ്ടുകളിലൂടെ അവസരം നൽകലാണ് തന്റെ ഉദ്ദേശ്യമെന്ന് പ്രധാനമന്ത്രി പിന്നീട് വ്യക്തമാക്കുകയായിരുന്നു.