തനിക്കെതിരെ എംഇഎസ് പ്രസിഡണ്ട ഫസല്‍ ഗഫൂര്‍ നടത്തിയ വ്യക്തിപരമായ അവഹേളനങ്ങള്‍ക്ക് മറുപടി പറയുന്നില്ലെന്ന് ബിജെപി സംസ്ഥാന വക്താവ് സന്ദീപ് ജി വാര്യര്‍.പന്നിയോട് മല്‍പ്പിടുത്തം നടത്താന്‍ പോയാല്‍ ദേഹത്ത് ചെളി പുരളുകയല്ലാതെ മറ്റൊരു ഗുണവും ഇല്ല എന്ന് എവിടെയോ വായിച്ചിട്ടുണ്ടെന്നും സന്ദീപ് വാര്യര്‍ ഫേസ്ബുക്കില്‍ കുറിച്ചു. എം.ഇ.എസിന്റെ സ്ഥാപനങ്ങളില്‍ പ്രസംഗിക്കാന്‍ പോകുന്ന മാദ്ധ്യമ പ്രവര്‍ത്തകര്‍ സ്വയം വില്‍ക്കപ്പെടുന്നവരാണോ എന്ന് അവര്‍ തുറന്നു പറയേണ്ടതാണെന്നും സന്ദീപ് പറഞ്ഞു.
ഫേസ്ബുക്ക് പോസ്റ്റ് ഇങ്ങനെ-
ഫസല്‍ ഗഫൂര്‍ അദ്ദേഹത്തിന്റെ പ്രസംഗത്തില്‍ പേരെടുത്തു പറഞ്ഞ മാധ്യമപ്രവര്‍ത്തകര്‍ സ്വയം വെളിപ്പെടുത്തട്ടെ. എംഇഎസ് സ്ഥാപനങ്ങളിലേക്ക് പ്രസംഗിക്കാന്‍ വിളിച്ചാല്‍ സ്വയം വില്‍ക്കപ്പെടുന്നവരാണോ അവരെന്ന് തുറന്നു പറയട്ടെ.
എനിക്കെതിരെ ഫസല്‍ ഗഫൂര്‍ നടത്തിയ വ്യക്തിപരമായ അവഹേളനങ്ങള്‍ക്ക് മറുപടി പറയുന്നില്ല. പന്നിയോട് മല്‍പ്പിടുത്തം നടത്താന്‍ പോയാല്‍ ദേഹത്ത് ചെളി പുരളുകയല്ലാതെ മറ്റൊരു ഗുണവും ഇല്ല എന്ന് എവിടെയോ വായിച്ചിട്ടുണ്ട്.
യൂത്ത് ലീഗിന്റെ സമ്മേളനത്തില്‍ ഫസല്‍ ഗഫൂര്‍ നടത്തിയ പ്രസംഗത്തെ പരാമര്‍ശിച്ചാണ് സന്ദീപിന്റെ പോസ്റ്റ്. കേരളത്തിലെ മാദ്ധ്യമ പ്രവര്‍ത്തകരെല്ലാം സംഘപരിവാര്‍ വിരുദ്ധരാണെന്നും അതുകൊണ്ടാണ് എം.ഇ.എസിന്റെ സ്ഥാപനങ്ങളില്‍ അവരെ പ്രസംഗിക്കാന്‍ വിളിക്കുന്നതെന്നും ഫസല്‍ ഗഫൂര്‍പറഞ്ഞിരുന്നു.
Discussion about this post