ശ്രീലങ്ക: ഇന്ത്യക്കെതിരായ ടെസ്റ്റ് പരമ്പരയിലെ ആദ്യ മത്സരത്തില്‍ നിര്‍ണ്ണായകമായ ടോസ് ശ്രീലങ്കയ്ക്ക്. ടോസ് നേടിയ ശ്രീലങ്കന്‍ ക്യാപ്റ്റന്‍ ഏഞ്ചലോ മാത്യൂസ് ബാറ്റിങ് തിരഞ്ഞെടുത്തു.
അപ്രതീക്ഷിതമായി മൂന്ന് സ്പിന്നര്‍മാരുമായാണ് കോഹ്‌ലിയുടെ നേതൃത്വത്തിലുള്ള ഇന്ത്യന്‍ ടീം ഇന്നിറങ്ങുന്നത്. രവി അശ്വിനും ഹര്‍ഭജനും പുറമേ അമിത് മിശ്ര കൂടി അവസാന പതിനൊന്നില്‍ ഇടംപിടിച്ചിട്ടുണ്ട്. നാല് വര്‍ഷങ്ങള്‍ക്ക് ശേഷമാണ് മിശ്ര കളത്തിലിറങ്ങുന്നത്. ഇശാന്ത് ശര്‍മയും വരുണ്‍ ആരോണുമാണ് ടീമിലെ പേസര്‍മാര്‍. ലോകേഷ് രാഹുല്‍, ശിഖര്‍ ധവാന്‍, രോഹിത് ശര്‍മ, വിരാട് കോലി, അജിങ്ക്യ രഹാനെ, വൃദ്ധിമാന്‍ സാഹ, എന്നിവരാണ് മറ്റ് ഇന്ത്യന്‍ ടീം അംഗങ്ങള്‍.
കൗശല്‍ സില്‍വ, ദിമുത് കരുണരത്‌നെ, കുമാര്‍ സംഗക്കാര, ലാഹിരു തിരുമന്നെ, ഏഞ്ചലോ മാത്യൂസ്, ദിനേഷ് ചണ്ഡിമല്‍, ജഹാന്‍ മുബാറക്, ദമ്മിക പ്രസാദ്, തരിന്ദു കൗശല്‍, രംഗണ ഹെറാത്ത്, നുവാന്‍ പ്രദീപ്. എന്നിവരാണ് ശ്രീലങ്കന്‍ ടീം അംഗങ്ങള്‍. വെറ്ററന്‍ താരം കുമാര്‍ സംഗക്കാരയുടെ വിടവാങ്ങല്‍ പരമ്പരയാണിത്.
Discussion about this post