ഗള്ഫില് നിന്ന് കേരളത്തിലേക്ക് കൊണ്ടു വരുന്നവര്ക്ക് അവിടെ വച്ച് കോവിഡ് പരിശോധന നടത്തുന്നില്ലെന്ന് മുഖ്യമന്ത്രി പിണറായി വിജയന്റെ പ്രസ്താവന അബദ്ധമെന്ന് കേന്ദ്രമന്ത്രി വി മുരളീധരന്. ഇത്തരത്തില് തെറ്റായ വിവരങ്ങള് പിണറായി വിജയന് എവിടെ നിന്നാണ് ലഭിക്കുന്നത് എന്നറിയില്ല.
പരിശോധന നടത്തിയ ശേഷമാണ് പ്രവാസികളെ വിമാനത്തില് കയറ്റുക.
https://www.facebook.com/mbnewsin/videos/650149845839677
പ്രവാസികള് ഏഴ് ദിവസം പുറത്ത് നിരിക്ഷണത്തില് കഴിയണം. പിന്നീട് ഏഴ് ദിവസം വീട്ടില് നിരീക്ഷണത്തില് തുടരണം തുടങ്ങിയ പിണറായി വിജയന്റെ പ്രസ്താവനകളും കേന്ദ്രമന്ത്രി തള്ളി. ഇക്കാര്യം തീരുമാനിക്കുന്നത് മുഖ്യമന്ത്രിമാരല്ല. കേന്ദ്ര സര്ക്കാര് പോലുമല്ല. എത്ര ദിവസം ക്വാറന്റൈന് വേണമെന്ന് തീരമാനിക്കേണ്ടത് സംസ്ഥാനമല്ല, അന്തിമ തീരുമാനം എടുക്കേണ്ടത് ഐസിഎംആര് ആണെന്നും അദ്ദേഹം വ്യക്തമാക്കി.
ഇന്നോ, നാളെയോ ഇത് സംബന്ധിച്ച മാര്ഗ്ഗ നിര്ദ്ദേശം പുറത്ത് വരാനിരിക്കുന്നതേയുള്ളുവെന്നും മുരളീധരന് വിശദീകരിച്ചു.
വീഡിയൊ-
https://www.facebook.com/mbnewsin/videos/985158555232015
കണ്ണൂര് വിമാനത്താവളത്തിലേക്ക് പ്രവാസികളെ കൊണ്ട് വരില്ലെന്ന മുഖ്യമന്ത്രിയുടെ പ്രസ്താവനയും വി മുരളീധരന് തള്ളി.
മറ്റ് സംസ്ഥാനങ്ങളില് ഒരു വിമാനത്താവളം മാത്രമാണ് ഉപയോഗിക്കുന്നത്. കേരളത്തില് നാല് വിമാനത്താവളങ്ങളില് പ്രവാസികളെത്തുമെന്നും അദ്ദേഹം പറഞ്ഞു. ഇതു സംബന്ധിച്ച മാര്ഗനിര്ദേശം ഉടന് പുറത്തിറങ്ങുമെന്നും അദ്ദേഹം പറഞ്ഞു.
https://www.facebook.com/mbnewsin/videos/237680130781300
80,000 പ്രവാസികളെ മാത്രമേ കൊണ്ടുവരുവെന്ന് എവിടെയും തിരുമാനിച്ചിട്ടില്ല. യു.എ.ഇയില് മാത്രം 1,97,000 പേര് രജിസ്റ്റര് ചെയ്തിട്ടുണ്ടെന്ന് മന്ത്രി വി.മുരളീധരന് വിശദീകരിച്ചു. എംബസികള് തയ്യാറാക്കുന്നതിനപ്പുറം മറ്റൊരു പട്ടിക ഇനി വരാനില്ലെന്നും കേന്ദ്രമന്ത്രി. കരട് രൂപരേഖ മാത്രമാണ് തയ്യാറാക്കിയത്. അന്തിമ രൂപമായത് വൈകിട്ട് മാത്രമാണ്. കേന്ദ്രം തയ്യാറാക്കിയ മുന്ഗണനാപട്ടിക അനുസരിച്ച് മുഴുവന് പേരെയും കൊണ്ടുവരുമെന്നും അദ്ദേഹം പറഞ്ഞു
Discussion about this post