സ്വകാര്യതയ്ക്കു ഭീഷണിയുണ്ടെന്നതിനാൽ, സൂം ആപ്പ് അനുയോജ്യമായ നിയമം നിർമ്മിക്കുന്നത് വരെ നിരോധിക്കണമെന്ന ഹർജിയിൽ സുപ്രീംകോടതി കേന്ദ്രസർക്കാറിനോട് വിശദീകരണം തേടി.ചീഫ് ജസ്റ്റിസ് എ.എസ് ബോബ്ഡേ അടങ്ങുന്ന ബെഞ്ചാണ് സർക്കാരിന് നോട്ടീസ് അയച്ചത്.
വിദ്യാർഥികളും, ഉദ്യോഗസ്ഥരും വീഡിയോ കോൺഫറൻസിനായി ഉപയോഗിച്ചിരുന്ന ആപ്പാണ് സൂം. അമേരിക്കൻ കമ്പനി വികസിപ്പിച്ചെടുത്ത ഈ ആപ്പ് സ്വകാര്യതയ്ക്ക് ഭീഷണിയാണെന്ന് കണ്ട് ഉപയോഗിക്കരുതെന്ന് വിലക്കിയിരുന്നു.ഇതു സംബന്ധിച്ച് സമഗ്രമായ അന്വേഷണം വേണമെന്ന് കേന്ദ്രത്തിന് നിർദേശം നൽകാൻ ആവശ്യപ്പെട്ട് ഡൽഹി സ്വദേശിയായ ഹർഷ് ചുഘ് ആണ് സുപ്രീം കോടതിയിൽ ഹർജി സമർപ്പിച്ചത്. ലക്ഷക്കണക്കിന് ഇന്ത്യക്കാരുടെ സ്വകാര്യതയെ ബാധിക്കുന്ന ഈ ആപ്പ് ദേശസുരക്ഷയ്ക്ക് ഭീഷണിയാണെന്നും ഹർജിക്കാരന്റെ അഭിഭാഷകനായ വജീഹ് ശഫീഖ് കോടതിയിൽ വാദിച്ചു.ഇതേതുടർന്നാണ് നാലാഴ്ചയ്ക്കകം മറുപടി നൽകണമെന്ന് ആവശ്യപ്പെട്ട് കേന്ദ്രത്തിന് സുപ്രീം കോടതി നോട്ടീസ് അയച്ചത്.
Discussion about this post