ഷാര്‍ജ : എമിറേറ്റിലെ കൂടുതല്‍ മേഖലകള്‍ ഇന്നു മുതല്‍ പേ പാര്‍ക്കിങ് ആയിരിക്കുമെന്ന് നഗരസഭാധികൃതര്‍ അറിയിച്ചു. അല്‍ ഖസ്ബ മേഖലയുടെ ഇരുഭാഗങ്ങളിലും നിരക്ക് നല്‍കിയായിരിക്കണം വാഹനങ്ങള്‍ പാര്‍ക്ക് ചെയ്യേണ്ടത്.
ഈ മേഖലയിലെ വാഹന ഉടമകകള്‍ക്കു ഇതു ഏറെ പ്രയോജനപ്രദമാകുമെന്ന് ഷാര്‍ജ മുനിസിപ്പാലിറ്റിയിലെ പബ്ലിക് പാര്‍ക്കിങ് വിങ് ഡയറക്ടര്‍ അഹമദ് അല്‍ ബര്‍ദാന്‍ പറഞ്ഞു. കൂടുതല്‍ പ്രദേശങ്ങള്‍ പാര്‍ക്കിങ് മേഖലയാക്കുന്നതോടെ ദിവസങ്ങളോളം വാഹനങ്ങള്‍ നിറുത്തുന്ന പ്രവണത അവസാനിക്കും. എമിറേറ്റില്‍ ശേഷിക്കുന്ന മേഖലകള്‍ 2016 ല്‍ പേ പാര്‍ക്കിങ് പരിധിയിലാക്കാനാണു നഗരസഭയുടെ നീക്കം.
ഷാര്‍ജയിലെ സെന്‍ട്രല്‍ മാര്‍ക്കറ്റ്, മജാസ് മൂന്ന്, നിര്‍മാണം പൂര്‍ത്തിയായി വരുന്ന മജ്‌റ മാര്‍ക്കറ്റ് എന്നിവയെല്ലാം അടുത്ത വര്‍ഷം മുതല്‍ പേ പാര്‍ക്കിങ് ആയി മാറും. ഷാര്‍ജ ടെലിഫോണ്‍ തത്സമയ പരിപാടിയിലാണ് അഹമദ് അല്‍ ബര്‍ദാന്‍ ഇക്കാരൃം അറിയിച്ചത്.
Discussion about this post