വാഷിംഗ്ടൺ: കൊവിഡ് മഹാമാരി വ്യാപകമായി പടർന്നു പിടിക്കുന്ന സാഹചര്യത്തിൽ ചൈനക്കെതിരെ ആരോപണവുമായി വീണ്ടും അമേരിക്ക. അമേരിക്കക്കെതിരെയുള്ള ചൈനയുടെ ആസൂത്രിത നീക്കമാണ് കൊവിഡ് എന്ന് അമേരിക്കൻ പ്രസിഡന്റ് ഡൊണാൾഡ് ട്രമ്പ് ആഞ്ഞടിച്ചു.
ഈ സാഹചര്യത്തിൽ സുരക്ഷാ കാരണങ്ങൾ ചൂണ്ടിക്കാട്ടി രണ്ട് ചൈനീസ് കമ്പനികൾക്ക് അമേരിക്ക വിലക്കേർപ്പെടുത്തി. പുതിയ വ്യാപാര കരാറുമായി മുന്നോട്ടു പോകാനുള്ള അമേരിക്കയുടെ നീക്കത്തിന് പിന്നാലെയാണ് ഒരിക്കലും സംഭവിക്കാന് പാടില്ലാത്ത മഹാമാരി ചൈനയില്നിന്നും ഉണ്ടായതെന്ന് ട്രമ്പ് കുറ്റപ്പെടുത്തി.
കൊവിഡ് വ്യാപനം ചൈനയുടെ ഗൂഢാലോചനയാണെന്ന് ട്രമ്പ് നേരത്തേ ആരോപണം ഉന്നയിച്ചിരുന്നു. കൊവിഡിനെ ചൈനീസ് വൈറസ് എന്ന് ട്രമ്പ് വിശേഷിപ്പിച്ചിരുന്നു. അമേരിക്കയിലുള്പ്പെടെ കൊവിഡ് കനത്ത നാശനഷ്ടമുണ്ടാക്കുന്നത് കാണുമ്പോള് തനിക്ക് ചൈനയോടുള്ള ദേഷ്യം ഇരട്ടിച്ചുവരികയാണെന്ന് ട്രംപ് കഴിഞ്ഞയാഴ്ച വ്യക്തമാക്കിയിരുന്നു.
Discussion about this post