തിരുവനന്തപുരം: ബംഗാള് ഉള്ക്കടലില് രൂപം കൊണ്ട ന്യൂനമര്ദ്ദം അതിതീവ്ര ന്യൂനമര്ദ്ദമായി മാറി.കേരളകര്ണാടക തീരങ്ങളില് മണിക്കൂറില് 40 മുതല് 50 കിമീ വരെ വേഗതയില് ശക്തമായ കാറ്റിന് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്.ന്യൂനമര്ദ്ദത്തെ തുടര്ന്ന് വടക്കന് കേരളത്തിലാണ് അതിശക്തമായ മഴക്ക് സാധ്യതയുള്ളത്.
ചൊവ്വാഴ്ച രാത്രിയോടെ ആന്ധ്രയിലെ നരസ്പുരിനും വിശാഖപട്ടണത്തിനും ഇടയിലായാണ് ന്യൂനമര്ദം കരയിലേക്ക് പ്രവേശിക്കുക. ഇതേ തുടര്ന്നാണ് ആന്ധ്ര, കേരള, കര്ണാടക, ഒഡിഷ, തെലങ്കാന സംസ്ഥാനങ്ങള്ക്ക് കേന്ദ്ര കാലാവസ്ഥാ മന്ത്രാലയം മുന്നറിയിപ്പ് നല്കിയിരിക്കുന്നത്.
സംസ്ഥാനത്തെ 11 ജില്ലകളില് ഇന്ന് യെല്ലോ അലേര്ട്ട് പ്രഖ്യാപിച്ചു. ന്യൂനമര്ദ്ദം ചൊവ്വാഴ്ചയോടെ കര കടക്കുമെന്നാണ് കാലാവസ്ഥാ പ്രവചനം.
തിരുവനന്തപുരം, കൊല്ലം, പത്തനംതിട്ട ഒഴികെയുള്ള ജില്ലകളിലാണ് യെല്ലോ അലേര്ട്ട് പ്രഖ്യാപിച്ചിരിക്കുന്നത്. . മോശം കാലാവസ്ഥക്ക് സാധ്യതയുള്ളതില് മത്സ്യബന്ധനത്തിന് പോവരുത്.
14 വരെ വടക്കന് ജില്ലകളില് മഴ തുടരും. അറബിക്കടലില് ഗുജറാത്ത് തീരത്തോട് ചേര്ന്ന് 15ാം തിയതിയോടെ പുതിയ ന്യൂനമര്ദത്തിന് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം പറയുന്നു.
Discussion about this post