ന്യൂഡൽഹി : കോൺഗ്രസ് നേതാവ് രാഹുൽ ഗാന്ധിക്കെതിരെ ആഞ്ഞടിച്ച് കേന്ദ്ര ധനകാര്യമന്ത്രി നിർമല സീതാരാമൻ. പഞ്ചാബിൽ, ബിഹാർ സ്വദേശിയായ ആറുവയസ്സുകാരി കുട്ടി പീഡനത്തിനിരയായി കൊല്ലപ്പെട്ട സംഭവത്തിൽ പ്രതികരിക്കുകയായിരുന്നു അവർ. ഹത്രാസിൽ ഞെട്ടിവിറച്ച രാഹുൽഗാന്ധിയുടെ മനസ്സാക്ഷി ഇപ്രാവശ്യം ഞെട്ടിയില്ലേ എന്നും നിർമല സീതാരാമൻ ചോദിച്ചു.
സ്വന്തം പാർട്ടി ഭരിക്കുന്ന സംസ്ഥാനത്തിലെ സ്ത്രീകൾക്കും പെൺകുട്ടികൾക്കും നേരെയുള്ള കുറ്റകൃത്യങ്ങൾക്ക് നേരെ മനപ്പൂർവ്വം കോൺഗ്രസ് കണ്ണടയ്ക്കുന്നുവെന്ന് പറഞ്ഞ കേന്ദ്രമന്ത്രി, കോൺഗ്രസിന്റെ ഇരട്ടത്താപ്പിനെ രൂക്ഷമായി വിമർശിച്ചു. ഒരു പീഡനവും രാഷ്ട്രീയ വൽക്കരിക്കപ്പെടരുതെന്ന് പറഞ്ഞ് നിർമല സീതാരാമൻ, രാഷ്ട്രീയ താല്പര്യങ്ങൾക്ക് വേണ്ടി കുറ്റകൃത്യങ്ങളെ ഉപയോഗിക്കരുതെന്നും ഓർമ്മിപ്പിച്ചു.
ആറു വയസ്സുകാരി പെൺകുട്ടിയെ പീഡിപ്പിച്ചു കൊലപ്പെടുത്തിയ സംഭവത്തിൽ ഗുർപ്രീത് സിംഗ്, മുത്തച്ഛനായ സുർജിത് സിങ് എന്നിവരെ പഞ്ചാബ് പോലീസ് അറസ്റ്റ് ചെയ്തിരുന്നു. ക്രൂരമായ കൊലപാതകത്തിനു ശേഷം പെൺകുട്ടിയുടെ മൃതദേഹം ഇവർ കത്തിക്കുകയും ചെയ്തു.
Discussion about this post