പൈനാവ്: ഡി വൈ എഫ് ഐ പ്രവർത്തകൻ പ്രതിയായ പീഡനക്കേസിൽ സ്വയം തീ കൊളുത്തിയ പതിനാറുകാരി മരിച്ചു. ഇടുക്കി സ്വദേശിനിയാണ് മരിച്ചത്. മേലാസകലം പൊള്ളലേറ്റ് തിരുവനന്തപുരം മെഡിക്കല്‍ കോളേജ് ആശുപത്രിയിൽ ചികിത്സയിൽ ആയിരുന്നു.
കഴിഞ്ഞ 22നായിരുന്നു പെൺകുട്ടി തീ കൊളുത്തി ആത്മഹത്യക്ക് ശ്രമിച്ചത്. പെണ്‍കുട്ടിയുടെ അയല്‍വാസിയും ഡി.വൈ.എഫ്.ഐ പ്രവര്‍ത്തകനുമായ മനുവിനെ കേസില്‍ പോലീസ് അറസ്റ്റ് ചെയ്തിരുന്നു. ഇയാളെ കോടതി റിമാൻഡ് ചെയ്തിരുന്നു.
ശരീരമാസകലം പൊള്ളലേറ്റ പെണ്‍കുട്ടിയെ ആദ്യം കട്ടപ്പനയിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു. പെൺകുട്ടിക്ക് 65 ശതമാനത്തോളം പൊള്ളലേറ്റിരുന്നു. എന്നാൽ സ്ഥിതി വഷളായതിനെ തുടര്‍ന്ന് കോട്ടയം മെഡിക്കല്‍ കോളേജിലേക്ക് മാറ്റിയിരുന്നു. അവിടെ നിന്നും പിന്നീട് തിരുവനന്തപുരം മെഡിക്കൽ കോളേജിലേക്ക് കൊണ്ടു പോകുകയായിരുന്നു. ഇന്നലെ രാത്രിയോടെ നില മോശമാവുകയും മരണം സംഭവിക്കുകയുമായിരുന്നു.
Discussion about this post