‘സജീവമായ പ്രചോദനത്തിന് ആയുരാരോഗ്യ സൗഖ്യങ്ങൾ നേരുന്നു‘; തൊണ്ണൂറ്റിമൂന്നാം പിറന്നാൾ ദിനത്തിൽ അദ്വാനിക്ക് ആശംസകൾ നേർന്ന് പ്രധാനമന്ത്രിയും അമിത് ഷായും

ഡൽഹി: മുതിർന്ന ബിജെപി നേതാവ് എൽ കെ അദ്വാനിക്ക് പിറന്നാൾ ആശംസകൾ നേർന്ന് പ്രധാനമന്ത്രി നരേന്ദ്ര മോദി. രാജ്യത്തിലെ ജനങ്ങൾക്കും ബിജെപി പ്രവർത്തകർക്കും സജീവമായ പ്രചോദനമാണ് അദ്വാനിയെന്ന് പ്രധാനമന്ത്രി ട്വീറ്റ് ചെയ്തു. അദ്വാനിയെ വീട്ടിൽ സന്ദർശിച്ച പ്രധാനമന്ത്രി അദ്ദേഹത്തിന് പുഷ്പോപഹാരം സമർപ്പിച്ചു.

കേന്ദ്ര ആഭ്യന്തര മന്ത്രി അമിത് ഷായും ബിജെപി ദേശീയ അധ്യക്ഷൻ ജെ പി നഡ്ഡയും പ്രധാനമന്ത്രിയെ അനുഗമിച്ചു. അടൽ ബിഹാരി വാജ്പേയി സർക്കാരിൽ ആഭ്യന്തര മന്ത്രിയും ഉപപ്രധാനമന്ത്രിയുമായിരുന്ന അദ്വാനി രാഷ്ട്രപുരോഗതിയിൽ നിർണ്ണായക പങ്കു വഹിച്ച നേതാവാണ്. ജനലക്ഷങ്ങളെ അദ്ദേഹം ബിജെപിയിലേക്ക് കൊണ്ടു വന്നു. രാജ്യത്തെ കോടിക്കണക്കിന് വരുന്ന ബിജെപി പ്രവർത്തകർക്കും ജനങ്ങൾക്കും സജീവമായ പ്രചോദനമാണ് അദ്വാനിയെന്ന് പ്രധാനമന്ത്രി ഹിന്ദിയിൽ ട്വീറ്റ് ചെയ്തു. അദ്ദേഹത്തിന് ദീർഘായുസ്സും ആരോഗ്യസൗഖ്യവും നേരുന്നതായും പ്രധാനമന്ത്രി പറഞ്ഞു.

भाजपा को जन-जन तक पहुंचाने के साथ देश के विकास में अहम भूमिका निभाने वाले श्रद्धेय श्री लालकृष्ण आडवाणी जी को जन्मदिन की बहुत-बहुत बधाई। वे पार्टी के करोड़ों कार्यकर्ताओं के साथ ही देशवासियों के प्रत्यक्ष प्रेरणास्रोत हैं। मैं उनकी लंबी आयु और स्वस्थ जीवन की प्रार्थना करता हूं।

— Narendra Modi (@narendramodi) November 8, 2020

‘രാഷ്ട്രപുരോഗതിക്കായി അക്ഷീണം പ്രയത്നിച്ച നേതാവാണ് അദ്വാനിജി. ബിജെപിയെ ദേശീയ രാഷ്ട്രീയത്തിൽ ചുവടുറപ്പിക്കാൻ അദ്ദേഹം പ്രാപ്തമാക്കി. അദ്ദേഹത്തിന് ഹൃദയംഗമമായ പിറന്നാൾ ആശംസകളും ഒപ്പം ആയുരാരോഗ്യ സൗഖ്യങ്ങളും നേരുന്നു.‘ കേന്ദ്ര ആഭ്യന്തരമന്ത്രി അമിത് ഷാ ട്വീറ്റ് ചെയ്തു.

आदरणीय आडवाणी जी ने अपने परिश्रम और निस्वार्थ सेवाभाव से न सिर्फ देश के विकास में अहम योगदान दिया बल्कि भाजपा की राष्ट्रवादी विचारधारा के विस्तार में भी मुख्य भूमिका निभाई।

उनके जन्मदिन पर उन्हें शुभकामनाएँ देता हूँ और ईश्वर से उनके अच्छे स्वास्थ्य व दीर्घायु की कामना करता हूँ।

— Amit Shah (Modi Ka Parivar) (@AmitShah) November 8, 2020

राजनीति में अपने समर्पण व सिद्धांतों से करोड़ों कार्यकर्ताओं के आदर्श, देश के पूर्व उप-प्रधानमंत्री एवं भाजपा के वरिष्ठ नेता आदरणीय श्री लालकृष्ण आडवाणी जी को जन्मदिन की हार्दिक बधाई।
ईश्वर से आपके आरोग्य एवं दीर्घायु की प्रार्थना करता हूँ। pic.twitter.com/tTlEdoZtJc

— Jagat Prakash Nadda (Modi Ka Parivar) (@JPNadda) November 8, 2020

ഏറ്റവും കൂടുതൽ കാലം ബിജെപി അദ്ധ്യക്ഷ പദവി വഹിച്ച നേതാവാണ് പാർട്ടിയുടെ സ്ഥാപക നേതാക്കളിൽ പ്രമുഖനായ എൽ കെ അദ്വാനി. ബിജെപിയെ ദേശീയ രാഷ്ട്രീയത്തിന്റെ പാർശ്വങ്ങളിൽ നിന്നും സമകാലിക ഇന്ത്യൻ രാഷ്ട്രീയത്തിന്റെ കേന്ദ്രബിന്ദുവാക്കി വളർത്തുന്നതിൽ നിർണ്ണയക പങ്കാണ് അദ്വാനി വഹിച്ചത്. 1927 നവംബർ എട്ടിന് കറാച്ചിയിലായിരുന്നു അദ്ദേഹത്തിന്റെ ജനനം.