കറാച്ചി : 1965 ലെ ഇന്ത്യാ-പാക്ക് യുദ്ധത്തില് പാക്കിസ്ഥാന് ഇന്ത്യയോട് ദാരുണമായി പരാജയപ്പെടുകയായിരുന്നുവെന്ന് പാക്കിസ്ഥാന് ചരിത്രകാരന്. യുദ്ധത്തില് പാക്കിസ്ഥാന് വിജയിച്ചുവെന്നു പറയുന്നത് വെറും കെട്ടുകഥ മാത്രമാണ്. ഇതിലും വലിയൊരു കള്ളം വേറെയില്ലെന്നും ചരിത്രകാരന് ഡോ.എസ്. അക്ബര് സെയ്ദി പറഞ്ഞതായി ഡോണ് റിപ്പോര്ട്ട് ചെയ്തു. 1965 ലെ യുദ്ധത്തിന്റെ 50-ാമത് വാര്ഷികാഘോഷങ്ങള് നടക്കാന് രണ്ടു ദിവസം മാത്രം ബാക്കി നില്ക്കെയാണ് സെയ്ദിയുടെ പ്രസ്താവന.
യുദ്ധവിജയാഘോഷം രാജ്യത്തിന്റെ ഓരോ കോണിലും നടക്കുകയാണ്. പാക്കിസ്ഥാന് യുദ്ധം വിജയിച്ചുവെന്നു പറയുന്നതുപോലെ മറ്റൊരു കള്ളം വേറെയില്ല. 1965 ലെ യുദ്ധത്തില് നമ്മള് ഇന്ത്യയോട് ദാരുണമായി പരാജയപ്പെടുകയാണുണ്ടായത്.
ജനങ്ങള് ഇക്കാര്യത്തില് അജ്ഞരാണ്. കാരണം പാക്കിസ്ഥാന്റെ ചരിത്രം അവരെ പഠിപ്പിക്കുന്നത് പ്രത്യയശാസ്ത്രപരമായ കാഴ്ചപ്പാടിലൂടെയാണ്. പാക്കിസ്ഥാനിലെ ജനങ്ങളുടെ ചരിത്രത്തെക്കുറിച്ചല്ല വിദ്യാര്ഥികളെയും പഠിപ്പിക്കുന്നത്. മറിച്ച് പാക്കിസ്ഥാന് എങ്ങനെ രൂപം കൊണ്ടുവെന്നതിലാണ് കൂടുതല് ശ്രദ്ധ കേന്ദ്രീകരിച്ചിരിക്കുന്നത്. പാര്സികളും ഹിന്ദുക്കളും കറാച്ചിയില് വിദ്യാഭ്യാസ വളര്ച്ചയ്ക്ക് വളരെയധികം സംഭാവന ചെയ്തിട്ടുണ്ടെന്നും അദ്ദേഹം പറഞ്ഞതായി ഡോണ് റിപ്പോര്ട്ട് ചെയ്തിട്ടുണ്ട്.
Discussion about this post