യുപി മുഖ്യമന്ത്രി യോഗി ആദിത്യനാഥിന്റെ നേതൃത്വത്തിൽ ഉത്തർപ്രദേശ് ‘എക്സ്പ്രെസ്സ് പ്രദേശ്’ ആയി മാറിയെന്ന് പ്രധാനമന്ത്രി നരേന്ദ്രമോദി. വാരണാസി-പ്രയാഗ്രാജ് ആറുവരി ദേശീയപതാക ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.
ഉത്തർപ്രദേശിന്റെ വികസനത്തിനു കാരണം യോഗിയാണെന്ന് സംസ്ഥാനത്തെ വികസന പദ്ധതികൾ ഓരോന്നായി എടുത്തു പറഞ്ഞു കൊണ്ട് പ്രധാനമന്ത്രി ചൂണ്ടിക്കാട്ടി. “ഉത്തർപ്രദേശിലെ അടിസ്ഥാന സൗകര്യങ്ങളുടെ സ്ഥിതി 2017 -ൽ എന്തായിരുന്നുവെന്ന് എല്ലാവർക്കും അറിയാവുന്നതാണ്. എന്നാൽ യോഗിജി മുഖ്യമന്ത്രിയായതിനു ശേഷം അടിസ്ഥാന സൗകര്യ വികസനത്തിന്റെ വേഗത വർദ്ധിച്ചു. ഇന്ന് യുപി അറിയപ്പെടുന്നത് ‘എക്സ്പ്രസ് പ്രദേശ്’ എന്നാണ്”- പ്രധാനമന്ത്രി കൂട്ടിച്ചേർത്തു.
ഖജുരിയിൽ റോഡ് ഉദ്ഘാടനത്തിനായി നടന്ന ചടങ്ങിൽ യോഗി ആദിത്യനാഥും പങ്കെടുത്തിരുന്നു. ജനങ്ങൾക്കു തുറന്നു കൊടുത്ത റോഡ്, പ്രയാഗ്രാജിലെയും കാശിയിലെയും ജനങ്ങൾക്ക് ഗുണം ചെയ്യുമെന്ന് പ്രധാനമന്ത്രി അഭിപ്രായപ്പെട്ടു. മാത്രമല്ല, റോഡിന്റെ വീതി കൂട്ടിയത് കുംഭമേളയുടെ സമയത്ത് ഒരുപാട് ഉപകാരപ്രദമാവുമെന്നും അദ്ദേഹം വ്യക്തമാക്കി.
Discussion about this post