ന്യൂഡൽഹി: പ്രധാനമന്ത്രി നരേന്ദ്രമോദിയിലുള്ള ജനങ്ങളുടെ വിശ്വാസമാണ് ഹൈദരാബാദ് മുനിസിപ്പൽ തെരഞ്ഞെടുപ്പിലെ ബിജെപിയുടെ മുന്നേറ്റത്തിനു കാരണമെന്ന് ബിജെപി ദേശീയ അധ്യക്ഷൻ ജെ.പി നദ്ദ.
ഹൈദരാബാദിൽ കാണാനായത് പ്രധാനമന്ത്രിയുടെ മാതൃകാ ഭരണത്തിനും വികസനപ്രവർത്തനങ്ങൾക്കും ജനങ്ങൾ നൽകുന്ന പിന്തുണയാണെന്നും അദ്ദേഹം പറഞ്ഞു. ” 2023-ൽ നടക്കാൻ പോകുന്ന നിയമസഭാ തിരഞ്ഞെടുപ്പിന്റെ ചിത്രം ഹൈദരാബാദിലെ ജനങ്ങൾ തന്നെയിപ്പോൾ വ്യക്തമാക്കി തന്നിരിക്കുകയാണ്. അഴിമതിക്കാരായ കെസിആർ സർക്കാരിനെ ജനങ്ങൾ കൈവിട്ടു കഴിഞ്ഞെന്ന് ആത്മവിശ്വാസത്തോടെ എനിക്ക് പറയാൻ കഴിയും. ബിജെപി അധികാരത്തിലെത്തുകയും ചെയ്യും”-നദ്ദ കൂട്ടിച്ചേർത്തു.
അതേസമയം, കേന്ദ്ര സർക്കാരിന്റെ വികസന നേട്ടം ജനങ്ങളിലെത്തിക്കുന്നതിനായി നദ്ദ 120 ദിവസത്തെ അഖിലേന്ത്യാ യാത്ര ആരംഭിച്ചു. യാത്ര ആരംഭിച്ചത് ശാന്തികുഞ്ചിലെ ദേവ് സംസ്കൃതി വിശ്വവിദ്യാലയത്തിൽ നിന്നാണ്. വിവിധ സംസ്ഥാനങ്ങളിൽ സന്ദർശനം നടത്തുന്ന അദ്ദേഹം, നിയമസഭാ തിരഞ്ഞെടുപ്പ് തയ്യാറെടുപ്പിനെക്കുറിച്ചും വിലയിരുത്തും
Discussion about this post