സ്വർണ്ണക്കടത്ത് കേസ് മുന്നോട്ട്; എൻ ഐ എ കുറ്റപത്രം സമർപ്പിച്ചു, സന്ദീപ് നായർ മാപ്പ് സാക്ഷി

കൊച്ചി: സ്വർണ്ണക്കടത്ത് കേസ് മുന്നോട്ട്. കേസിൽ എൻ ഐ എ നിർണ്ണായക കുറ്റപത്രം സമർപ്പിച്ചു. സ്വപ്ന സുരേഷ്, സരിത് എന്നിവർ അടക്കമുള്ള 20 പ്രതികൾക്കെതിരെയാണ് കുറ്റപത്രം സമർപ്പിച്ചിരിക്കുന്നത്.

കുറ്റപത്രത്തിൽ സന്ദീപ് നായരെ മാപ്പ് സാക്ഷിയാക്കിയിട്ടുണ്ട്. യുഎപിഎയിലെ16,17,18 വകുപ്പുകൾ ചുമത്തിയാണ് പ്രതികൾക്കെതിരെ കുറ്റപത്രം സമർപ്പിച്ചിരിക്കുന്നത്. കേസിൽ ആദ്യ അറസ്റ്റ് നടന്ന് ആറ് മാസത്തിനുള്ളിലാണ് കുറ്റപത്രം സമർപ്പിച്ചിരിക്കുന്നത്.

കൊച്ചിയിലെ പ്രത്യേക കോടതിയിലാണ് എൻ ഐ എ കുറ്റപത്രം സമർപ്പിച്ചിരിക്കുന്നത്. സ്വർണ്ണക്കടത്തിൽ നിന്നും സ്വരൂപിച്ച പണം ദേശവിരുദ്ധ പ്രവർത്തനങ്ങൾക്ക് ഉപയോഗിച്ചിരുന്നതായി എൻ ഐ എ നേരത്തെ വ്യക്തമാക്കിയിരുന്നു. സ്വർണ്ണക്കടത്ത് ഏതൊക്കെ തരത്തിൽ രാജ്യത്തിന്റെ സാമ്പത്തിക ഭദ്രത തകർക്കാൻ പ്രതികൾ ഉപയോഗിച്ചു എന്നതും എൻ ഐ എ അന്വേഷിച്ചിരുന്നു.