വാഷിംഗ്ടൺ: അമേരിക്കൻ പ്രസിഡന്റ് ഡൊണാൾഡ് ട്രമ്പിന് ഇമ്പീച്ച്മെന്റ്. 197നെതിരെ 232 വോട്ടുകള്ക്ക് ഇമ്പീച്ച്മെന്റ് പ്രമേയം പാസായി. ജനപ്രതിനിധി സഭയില് നടന്ന വോട്ടടെടുപ്പിലാണ് തീരുമാനമായത്.
ജനപ്രതിനിധി സഭയില് ഇംപീച്ച്മെന്റ് പ്രമേയം പാസായതോടെ വിചാരണ ഇനി സെനറ്റിലേക്ക് നീങ്ങും. സെനറ്റില് മൂന്നില് രണ്ടു ഭൂരിപക്ഷം ലഭിച്ചാല് ട്രംപിനെതിരേ കുറ്റം ചുമത്താൻ സാധിക്കും. 100 അംഗ സെനറ്റില് 50 ഡെമോക്രാറ്റിക് അംഗങ്ങള്ക്കു പുറമേ 17 റിപ്പബ്ലിക്കൻ അംഗങ്ങൾ കൂടി പിന്തുണച്ചാലേ ഇത് നടപ്പിലാകൂ. അതേസമയം ഡമോക്രാറ്റുകള്ക്കു ഭൂരിപക്ഷമുള്ള സഭയില് 10 റിപ്പബ്ലിക്കന് അംഗങ്ങൾ ട്രംപിനെതിരെ വോട്ട് ചെയ്തിരുന്നു.
അമേരിക്കൻ പാര്ലമെന്റ് മന്ദിരമായ കാപ്പിറ്റോളിന് നേരെ കഴിഞ്ഞ ആഴ്ച ട്രംപ് അനുകൂലികള് നടത്തിയ പ്രകടനം അക്രമാസക്തമായ പശ്ചാത്തലത്തിലാണ് ട്രംപിനെതിരെ ഇംപീച്ച്മെന്റ് നടപടികള് ആരംഭിച്ചത്.
