നിയമസഭാ തെരഞ്ഞെടുപ്പില് പ്രമുഖ വ്യവസായി ഐസക്ക് വര്ഗീസിനെ സ്ഥാനാര്ഥിയാക്കിയാല് ഇടതുമുന്നണിയെ പിന്തുണയ്ക്കാമെന്ന് അറിയിച്ച് സിപിഐ സംസ്ഥാന സെക്രട്ടറി കാനം രാജേന്ദ്രന് ബിഷപ്പിന്റെ കത്ത്. പാലക്കാട് ബിഷപ്പ് മാര് ജേക്കബ് മനത്തോടത്താണ് മണ്ണാര്ക്കാട് മണ്ഡലത്തില് സ്ഥാനാര്ഥിയെ ശുപാര്ശ ചെയ്ത കാനം രാജേന്ദ്രന് കത്ത് അയച്ചത്.അതേസമയം, കത്തിനെക്കുറിച്ച് തനിക്ക് അറിയില്ലെന്നും വിഷയത്തില് പ്രതികരിക്കാനില്ലെന്നും കാനം രാജേന്ദ്രന് അറിയിച്ചു.
സ്ഥാനാര്ഥികളെ സംബന്ധിച്ച ചര്ച്ചകള് ആരംഭിച്ചിട്ടില്ലെന്നും ഐസക്ക് വര്ഗീസിന്റെ കത്ത് സംബന്ധിച്ച് അറിയില്ലെന്നുമാണ് സിപിഐ ജില്ലാ നേതൃത്വം പ്രതികരിച്ചത്. എന്നാല് കാനത്തിന് താന് തന്നെയാണ് കത്ത് കൈമാറിയതെന്ന് ഐസക്ക് വര്ഗീസ് പറഞ്ഞു. മത്സരിക്കാന് താല്പര്യമുണ്ട്. സഭാ വിശ്വാസിയായതിനാലാണ് ബിഷപ്പ് കത്ത് നല്കിയതെന്നും അദ്ദേഹം പറഞ്ഞു.
കഞ്ചിക്കോട്ടെ വ്യവസായിയാണ് ഐസക്ക് വര്ഗീസ്. അദ്ദേഹത്തെ ഇടതുമുന്നണിയുടെ സ്ഥാനാര്ഥിയാക്കണമെന്നും അങ്ങനെയെങ്കില് പാര്ട്ടിയെ സഭ പിന്തുണയ്ക്കുമെന്നാണ് കത്തില് പറയുന്നത്. സഭ പിന്തുണച്ചാല് അദ്ദേഹം വിജയിക്കുമെന്നും ബിഷപ്പ് കത്തില് വ്യക്തമാക്കി. മുന്പ് സിപിഐ വിജയിച്ച മണ്ഡലമായിരുന്നു മണ്ണാര്ക്കാട്. എന്നാല് കഴിഞ്ഞതവണ യുഡിഎഫാണ് വിജയിച്ചത്. കത്തില് പ്രതികരിക്കാന് ബിഷപ്പുമായി ബന്ധപ്പെട്ടവര് ഇതുവരെ തയ്യാറായിട്ടില്ല.
Discussion about this post