ഡൽഹി :പ്രധാനമന്ത്രി നരേന്ദ്ര മോദി കോവിഡ് മഹാമാരിയെ തുടര്ന്ന് നിര്ത്തി വച്ച വിദേശ പര്യടനം ഇന്ന് പുനരാരംഭിക്കും. ബംഗ്ലാദേശിലെത്തുന്ന പ്രധാനമന്ത്രി രാജ്യത്തിന്റെ അന്പതാം സ്വാതന്ത്ര്യ വാര്ഷികാഘോഷങ്ങളില് മുഖ്യാതിഥിയാകുകയും, ഇന്നും നാളെയുമായി വിവിധ ചടങ്ങുകളില് പങ്കെടുക്കുകയും ചെയ്യും.
സത്ഖിരയിലെ കാളിക്ഷേത്രവും, ഒരാഖണ്ഡിയിലെ മത് വാ ക്ഷേത്രവും സന്ദര്ശിക്കും. നാളെ പശ്ചിമബംഗാളില് തെരഞ്ഞെടുപ്പ് നടക്കാനിരിക്കേ സംസ്ഥാനത്തെ നിര്ണ്ണായക ശക്തിയായ മത് വ വിഭാഗത്തിന്റെ ക്ഷേത്രത്തില് മോദി സന്ദര്ശനം നടത്തുന്നതിന് ഏറെ രാഷ്ട്രീയ പ്രാധാന്യവും ഉണ്ട്. വ്യാപാരം, സ്റ്റാര്ട്ട് അപ്പ്, ദുരന്ത നിവാരണ മേഖലകളില് ഇരു രാജ്യങ്ങളും പുതിയ കരാറുകളിലും ഏര്പ്പെടും. ബംഗ്ലാദേശിന്റെ വികസനത്തില് ഇന്ത്യയുടെ പൂർണ്ണ പിന്തുണ ഉണ്ടാകുമെന്ന് യാത്രക്ക് മുന്പ് പ്രധാനമന്ത്രി ട്വീറ്റ് ചെയ്തു.
