ഡൽഹി: നാഷണല് കോണ്ഫറന്സ് നേതാവ് ഒമര് അബ്ദുള്ളയ്ക്ക് കോവിഡ് പോസിറ്റീവ് സ്ഥിരീകരിച്ചു. താൻ ഇപ്പോൾ വീട്ടിൽ ഐസൊലേഷനിൽ ആണെന്ന് അദ്ദേഹം ട്വിറ്ററിലൂടെ അറിയിച്ചു. നേരത്തെ അദ്ദേഹത്തിന്റ പിതാവ് ഫറൂഖ് അബ്ദുള്ളയ്ക്കും കൊവിഡ് സ്ഥിരീകരിച്ചിരുന്നു.
അതേസമയം ജമ്മു കശ്മീരിൽ കൊവിഡ് രോഗവ്യാപനം വര്ദ്ധിച്ചു വരുന്ന സാഹചര്യത്തില് ജമ്മു, ശ്രീനഗര് ഉള്പ്പെടെ എട്ടു ജില്ലകളിലെ നഗര പ്രദേശങ്ങളില് രാത്രി കര്ഫ്യൂ ഏര്പ്പെടുത്താന് ലഫ്റ്റനന്റ് ഗവര്ണര് മനോജ് സിന്ഹ വ്യാഴാഴ്ച ഉത്തരവിട്ടു. രാത്രി കര്ഫ്യൂ ഇന്ന് മുതൽ പ്രാബല്യത്തിൽ വരും.
ജമ്മു, ഉധംപുർ, കത്വ, ശ്രീനഗര്, ബാരാമുള്ള, ബുദ്ഗാം, അനന്തനാഗ്, കുപ്വാര എന്നിവിടങ്ങളിലാണ് രാത്രി കർഫ്യൂ. കൊവിഡ് കേസുകള് വര്ദ്ധിക്കാന് സാധ്യത ഉള്ള റിയാസി ജില്ല സൂക്ഷ്മ നിരീക്ഷണത്തിലാണ്.
രാജ്യത്ത് കോവിഡ് കേസുകള് വര്ദ്ധിച്ചു വരുന്ന സാഹചര്യത്തില് സംസ്ഥാന മുഖ്യമന്ത്രിമാരുമായി പ്രധാനമന്ത്രി നരേന്ദ്ര മോദി കഴിഞ്ഞ ദിവസം കൂടിക്കാഴ്ച നടത്തിയിരുന്നു.
Discussion about this post