തിരുവനന്തപുരം: സംസ്ഥാനത്ത് കൊവിഡ് പ്രതിസന്ധി രൂക്ഷമായി തുടരുമ്പോൾ തിരുവനന്തപുരം മെഡിക്കല് കോളേജില് ഇടത് സംഘടനയായ കേരള ഗവ. നഴ്സസ് അസോസിയേഷന്റെ നേതൃത്വത്തിൽ പ്രതിഷേധം. കൊവിഡ് പശ്ചാത്തലത്തിൽ ഡ്യൂട്ടി ഓഫ് വെട്ടിക്കുറച്ചു എന്നാരോപിച്ചാണ് പ്രതിഷേധം.
പത്ത് ദിവസത്തെ ഡ്യൂട്ടിക്ക് മൂന്ന് ഓഫ് എന്ന ക്രമം പുനഃസ്ഥാപിക്കണമെന്ന് ആവശ്യപ്പെട്ടാണ് നഴ്സുമാരുടെ പ്രതിഷേധം. സംസ്ഥാനം അതീവ ഗുരുതരമായ സാഹചര്യത്തിലൂടെ കടന്ന് പോകുമ്പോഴുള്ള ഭരണാനുകൂല സംഘടനയുടെ നിഷേധാത്മക നിലപാടിനെതിരെ പൊതുജനങ്ങളുടെ ഭാഗത്ത് നിന്നും രോഗികളുടെ ഭാഗത്ത് നിന്നും പ്രതിഷേധം ഉയരുകയാണ്.
സർക്കാർ ജീവനക്കാർ ആയതിനാൽ ഇവർക്ക് ശമ്പളവും ആനുകൂല്യങ്ങളും കൃത്യമായി ലഭിക്കുന്നുണ്ട്. എന്നാൽ മിക്ക സ്വകാര്യ ആശുപത്രികളിലെയും നഴ്സുമാർക്ക് സാമ്പത്തിക പ്രതിസന്ധി കാരണം ശമ്പളം പകുതിയാക്കുകയും വെട്ടിക്കുറയ്ക്കുകയും ചെയ്തിട്ടുണ്ട്. കൊവിഡ് നിയന്ത്രണങ്ങളുടെ ഭാഗമായി ചെറുകിട വ്യാപാരികൾക്കും കൂലിപ്പണിക്കാർക്കും വരുമാനം നിലച്ച മട്ടാണ്. എന്നിട്ടും ഇവരൊക്കെ പൊതുസമൂഹത്തോടുള്ള ഉത്തരവാദിത്വം തിരിച്ചറിഞ്ഞ് സഹകരിക്കാൻ തയ്യാറാകുമ്പോഴാണ് ഇടത് അനുകൂല സംഘടനയുടെ വെല്ലുവിളി.
Discussion about this post