തിരുവനന്തപുരം: പതിനഞ്ചാം കേരള നിയമസഭയുടെ സ്പീക്കറായി സിപിഎം എം എൽ എ എം ബി രാജേഷ് തിരഞ്ഞെടുക്കപ്പെട്ടു. പ്രതിപക്ഷ സ്ഥാനാർത്ഥി പി സി വിഷ്ണുനാഥിനെയാണ് അദ്ദേഹം പരാജയപ്പെടുത്തിയത്. 96 വോട്ടുകള്‍ എം ബി രാജേഷിന് ലഭിച്ചപ്പോള്‍ വിഷ്ണുനാഥിന് ലഭിച്ചത് 40 വോട്ടുകളാണ്.
രാജേഷിനെ വിജയിയായി പ്രഖ്യാപിച്ചതിന് പിന്നാലെ മുഖ്യമന്ത്രി പിണറായി വിജയനും പ്രതിപക്ഷ നേതാവ് വി.ഡി സതീശനും ചേര്‍ന്ന് അദ്ദേഹത്തെ ഇരിപ്പിടത്തിലേക്ക് ആനയിച്ചു. രാവിലെ പ്രോടേം സ്പീക്കറുടെ നേതൃത്വത്തിലായിരുന്നു വോട്ടെടുപ്പ്.
തൃത്താലയില്‍ നിന്നുള്ള എം.എല്‍.എയാണ് രാജേഷ്. സ്പീക്കര്‍ തിരഞ്ഞെടുപ്പിനു ശേഷം പിരിയുന്ന സഭ ഗവര്‍ണറുടെ നയ പ്രഖ്യാപനത്തിനായി 28-ന് വീണ്ടും ചേരും. ഭരണപക്ഷത്ത് നിന്ന് മൂന്നും പ്രതിപക്ഷത്ത് നിന്ന് ഒരാളും വോട്ടെടുപ്പിന് എത്തിയിരുന്നില്ല.
Discussion about this post