ടോക്യോ: പാരാലിമ്പിക്സ് ടേബിൾ ടെന്നീസിൽ ഇന്ത്യക്ക് വെള്ളി. വനിതാ ടേബിൾ ടെന്നീസിൽ ഇന്ത്യയുടെ ഭാവിന പട്ടേൽ ആണ് മെഡൽ നേടിയത്. പാരാലിമ്പിക് മെഡൽ നേടുന്ന രണ്ടാമത്തെ ഇന്ത്യൻ വനിതയാണ് ഗുജറാത്ത് സ്വദേശിയായ ഭാവിന.
ലോക ഒന്നാം നമ്പർ താരം ചൈനയുടെ ഷൂ യിംഗിനോട് പൊരുതി തോറ്റാണ് ഭാവിന വെള്ളി നേടിയത്. ആദ്യമായാണ് ഭാവിന പാരാലിമ്പിക്സിൽ പങ്കെടുക്കുന്നത്. സെമിയിൽ ചൈനയുടെ തന്നെ ഷാംഗ് മിയാവോയെ പരാജയപ്പെടുത്തിയാണ് ഭാവിന ഫൈനലിൽ കടന്നത്.
ക്വാർട്ടറിൽ സെർബിയയുടെ ലോക രണ്ടാം നമ്പർ താരം ബോറിസ്ലാവ പെറിക് റാങ്കോവിക്കിനെയും ഭാവിന തകർത്തു. ബ്രസീലിന്റെ ജോയ്സ് ഡി ഒലിവേരിയയെ പരാജയപ്പെടുത്തിയാണ് പാരാലിമ്പിക് ടേബിൾ ടെന്നീസ് ക്വാർട്ടറിൽ കടക്കുന്ന ആദ്യ ഇന്ത്യൻ വനിത എന്ന നേട്ടം ഭാവിന സ്വന്തമാക്കിയത്.
Discussion about this post