കുവൈത്ത് സിറ്റി: മകനെ കഴുതയെന്ന് വിളിച്ച പിതാവ് 200 കുവൈത്തി ദിനാര് (48,000ത്തിലധികം രൂപ) പിഴ നല്കണമെന്ന് കുവൈത്തി പബ്ലിക് പ്രോസിക്യൂഷന്. ‘നീയൊരു കഴുതയാണെന്ന്’ മകനോട് പിതാവ് പറഞ്ഞതിനെ തുടര്ന്ന് മകന് ഇദ്ദേഹത്തിനെതിരെ കേസ് ഫയല് ചെയ്യുകയായിരുന്നെന്ന് മാധ്യമങ്ങൾ റിപ്പോർട്ട് ചെയ്യുന്നു.
പിതാവ് മോശമായി സംസാരിച്ചത് ചൂണ്ടിക്കാട്ടിയാണ് കുട്ടി പിതാവിനെതിരെ കേസ് ഫയല് ചെയ്തത്. ചോദ്യം ചെയ്യലില് പിതാവ് കുറ്റം സമ്മതിച്ചു. എന്നാല് മകനെ കഴുതയെന്ന് വിളിക്കാനിടയായ സാഹചര്യം എന്താണെന്ന് വ്യക്തമല്ല.
കേസ് പരിഗണിച്ച പബ്ലിക് പ്രോസിക്യൂഷന് കുട്ടിയെ അപമാനിച്ച പിതാവ് 200 ദിനാര് പിഴയായി നല്കണമെന്ന് ഉത്തരവിടുകയായിരുന്നു.
Discussion about this post