ബി​ല്ല് മാ​റാ​ന്‍ കൈ​ക്കൂ​ലി ആവശ്യപ്പെട്ടു; ജ​ല അ​തോ​റി​റ്റി എ​ന്‍​ജി​നിയ​ര്‍ അറസ്റ്റിൽ

തി​രു​വ​ന​ന്ത​പു​രം: ബി​ല്ല് പാ​സാ​ക്കി ന​ല്‍​കാ​ന്‍ ക​രാ​റു​കാ​ര​നോ​ട് കൈ​ക്കൂ​ലി ആ​വ​ശ്യ​പ്പെ​ട്ട ജ​ല അ​തോ​റി​റ്റി എ​ന്‍​ജി​നിയ​ർ അറസ്റ്റിൽ. പ​ബ്ലി​ക് ഹെ​ല്‍​ത്ത് വ​ട​ക്ക​ന്‍ ഡി​വി​ഷ​ന്‍ എ​ക്സി​ക്യൂ​ട്ടീ​വ് എ​ന്‍​ജി​നിയ​ര്‍ ജോ​ണ്‍ കോ​ശി​യാ​ണ് വിജിലൻസ് പി​ടി​യി​ലാ​യ​ത്.

ക​രാ​റു​കാ​ര​നി​ല്‍ നി​ന്നും 25,000 രൂ​പ വാ​ങ്ങു​ന്ന​തി​നി​ടെ​യാ​ണ് ഇ​യാ​ള്‍ കു​ടു​ങ്ങി​യ​ത്. തി​രു​വ​ന​ന്ത​പു​രം പി​എ​ച്ച്‌ നോ​ര്‍​ത്ത് ഡി​വി​ഷ​ന്‍ കീ​ഴി​ലെ അ​മൃ​ത് പ​ദ്ധ​തി​യു​മാ​യി ബ​ന്ധ​പ്പെ​ട്ട ബി​ല്ലാ​ണ് എ​ന്‍​ജി​നി​യ​ര്‍ ത​ട​ഞ്ഞു​വ​ച്ച​ത്.

നി​ര​വ​ധി ത​വ​ണ ബി​ല്ല് മാ​റി​കി​ട്ടാ​ന്‍ ഓ​ഫീ​സ് ക​യ​റി​യി​റ​ങ്ങി​യെ​ങ്കി​ലും സാ​ധി​ച്ചി​ല്ല. 10,000 രൂ​പ കൈ​ക്കൂ​ലി ആ​വ​ശ്യ​പ്പെ​ട്ടെ​ങ്കി​ലും ക​രാ​റു​കാ​ര​ന്‍ ന​ല്‍​കാ​ന്‍ ത​യാ​റാ​യി​ല്ല.

പി​ന്നീ​ട് ക​രാ​റു​കാ​ര​ന്‍ ഹൈ​ക്കോ​ട​തി​യെ സ​മീ​പി​ച്ച്‌ അ​നു​കൂ​ല വി​ധി നേ​ടി​യെ​ങ്കി​ലും മു​ഴു​വ​ന്‍ പ​ണ​വും ല​ഭി​ച്ചി​ല്ല. ഇ​തി​നാ​യി വീ​ണ്ടും കൈ​ക്കൂ​ലി ആ​വ​ശ്യ​പ്പെ​ട്ട​തോ​ടെ​യാ​ണ് ക​രാ​റു​കാ​ര​ന്‍ വി​ജി​ല​ന്‍​സി​ന് വി​വ​രം ന​ല്‍​കി​യ​ത്.