ബീജിംഗ് : അഫ്ഗാനില് താലിബാന് അധികാരം പിടിച്ചെടുത്തതിന് പിന്നാലെ ലോകരാജ്യങ്ങള് ഏര്പ്പെടുത്തിയ സാമ്പത്തിക ഉപരോധം പിന്വലിക്കണമെന്നാവശ്യപ്പെട്ട് ചൈന. ജി 20 രാജ്യങ്ങളിലെ വിദേശകാര്യമന്ത്രിമാരുടെ യോഗത്തിലാണ് ചൈനീസ് വിദേശകാര്യമന്ത്രി വാംഗ് യി അഫ്ഗാന് വിഷയം ഉന്നയിച്ചത്. അഫ്ഗാനെ ഒറ്റപ്പെടുത്തുന്ന സമീപനം അന്താരാഷ്ട്ര സമൂഹം ഉപേക്ഷിക്കണമെന്നും യുദ്ധത്തില് തകര്ന്ന അവര്ക്ക് പിന്തുണ നല്കണമെന്നും ചൈന ആവശ്യപ്പെട്ടു.
“അന്താരാഷ്ട്ര അംഗീകാരം ലഭിക്കാന് ബുദ്ധിമുട്ടുന്ന അഫ്ഗാന് മേല് ഏര്പ്പെടുത്തിയിരിക്കുന്ന ഉപരോധവും, നിയന്ത്രണങ്ങളും രാജ്യങ്ങള് പിന്വലിക്കണം. വിദേശ വിനിമയത്തിലൂടെ ലഭിക്കുന്ന സമ്ബത്ത് നിലച്ചതോടെ കടുത്ത സാമ്ബത്തിക പ്രതിസന്ധി നേരിടുകയാണ് രാജ്യം. ലോകരാജ്യങ്ങള് അഫ്ഗാന് ജനതയുടെ ആവശ്യങ്ങള്ക്കനുസരിച്ച് കൂടുതല് സഹായവുമായി മുന്നോട്ട് വരണം” ചൈന ആവശ്യപ്പെട്ടു.
രാജ്യ താത്പര്യത്തിനനുസരിച്ചുള്ള വികസനം നേടിയെടുക്കാന് അഫ്ഗാന് ജനതയെ പിന്തുണയ്ക്കണം. ഇതിനായി എല്ലാവരെയും ഉള്ക്കൊള്ളിച്ചുള്ള സര്ക്കാര് ആവശ്യമാണെന്നും ചൈന പറഞ്ഞു. യോഗത്തില് ഭീകരവാദത്തിനെതിരെ വ്യക്തമായ നിലപാട് താലിബാന് സര്ക്കാര് കൈക്കൊള്ളണമെന്നും ചൈന അഭിപ്രായപ്പെട്ടു.
നിലവില് അഫ്ഗാനിലെ താലിബാന് സര്ക്കാരിനെ ചൈന, പാകിസ്ഥാന്, റഷ്യ എന്നീ രാജ്യങ്ങള് മാത്രമാണ് അംഗീകരിച്ചിട്ടുള്ളത്. വിദേശ ഫണ്ടുകള് മരവിപ്പിച്ചിരിക്കുന്നതിനാല് കടുത്ത സാമ്പത്തിക പ്രതിസന്ധിയിലൂടെ കടന്നു പോകുകയാണ് അഫ്ഗാന് ജനത.
