കേരളത്തിൽ 19 പേർക്ക് കൂടി ഒമിക്രോൺ സ്ഥിരീകരിച്ചു. എറണാകുളം 11, തിരുവനന്തപുരം 6, തൃശൂര്, കണ്ണൂര് ജില്ലകളിൽ ഒരാൾക്ക് വീതവുമാണ് ഒമിക്രോണ് സ്ഥിരീകരിച്ചത്.
യുകെയില് നിന്നുമെത്തിയ 23, 44, 23 വയസുകാര്, യുഎഇ നിന്നുമെത്തിയ 28, 24 വയസുകാര്, അയര്ലാന്ഡില് നിന്നുമെത്തിയ 37 വയസുകാരി, 8 വയസുകാരി, സ്പെയിനില് നിന്നുമെത്തിയ 23 വയസുകാരന്, കാനഡയില് നിന്നുമെത്തിയ 30 വയസുകാരന്, ഖത്തറില് നിന്നുമെത്തിയ 37 വയസുകാരന്, നെതര്ലാന്ഡില് നിന്നുമെത്തിയ 26 വയസുകാരന്, എന്നിവര്ക്കാണ് എറണാകുളത്ത് ഒമിക്രോണ് സ്ഥീരീകരിച്ചത്.
യുകെയില് നിന്നുമെത്തിയ 26 വയസുകാരി, ഖാനയില് നിന്നുമെത്തിയ 55 വയസുകാരന്, ഖത്തറില് നിന്നുമെത്തിയ 53 വയസുകാരന്, സമ്പര്ക്കത്തിലൂടെ 58 വയസുകാരി, 65 വയസുകാരന്, 34 വയസുകാരന് എന്നിവര്ക്കാണ് തിരുവനന്തപുരത്ത് രോഗം സ്ഥീരീകരിച്ചത്. യുഎഇയില് നിന്നും തൃശൂരിലെത്തിയ 28 വയസുകാരന്, ഷാര്ജയില് നിന്നും കണ്ണൂരിലെത്തിയ 49 വയസുകാരന് എന്നിവര്ക്കുമാണ് രോഗം സ്ഥീരീകരിച്ചത്.
രോഗബാധിതരുടെ എണ്ണം ഉയരുന്ന പശ്ചാത്തലത്തിൽ കൂടുതൽ ജാഗ്രത പാലിക്കണമെന്ന് ആരോഗ്യമന്ത്രി വീണാ ജോർജ് പറഞ്ഞു. എല്ലാവരും ശരിയായവിധം മാസ്ക് ധരിക്കുകയും സാമൂഹിക അകലം പാലിക്കുകയും വേണം. വാക്സിന് എടുക്കാത്തവര് ഉടന് തന്നെ വാക്സിന് എടുക്കേണ്ടതാണ്. വിദേശ രാജ്യങ്ങളില് നിന്നും വരുന്നവര് ക്വാറന്റൈന് വ്യവസ്ഥകള് കൃത്യമായി പാലിക്കണം. മറ്റ് സംസ്ഥാനങ്ങളില് നിന്ന് വരുന്നവരും ശ്രദ്ധിക്കേണ്ടതാണ്. എന്തെങ്കിലും രോഗലക്ഷണങ്ങള് കാണുന്നവര് ഉടന് ആരോഗ്യ പ്രവര്ത്തകരെ വിവരം അറിയിക്കേണ്ടതാണെന്നും മന്ത്രി വ്യക്തമാക്കി.
Discussion about this post