ഇസ്ലാമാബാദ്: ഇമ്രാന് ഖാന് ഉടന് രാജിവയ്ക്കണമെന്നാവശ്യപ്പെട്ട് പാക്കിസ്ഥാനില് കൂറ്റന് റാലി. 24 മണിക്കൂറിനുള്ളില് പ്രധാനമന്ത്രി ഇമ്രാന് ഖാന് രാജിവയ്ക്കണമെന്നാണ് ജനങ്ങളുടെ ആവശ്യം. പാക്കിസ്ഥാന് പീപ്പിള്സ് പാര്ട്ടിയുടെ (പിപിപി) നേതൃത്വത്തില് സംഘടിപ്പിച്ച റാലിയില് പതിനായിരങ്ങളാണ് പങ്കെടുത്തത്. ഇമ്രാന്ഖാന് രാജിവയ്ക്കുകയോ വിശ്വാസ വോട്ടെടുപ്പ് നേരിടുകയോ ചെയ്യണമെന്ന് പ്രതിപക്ഷ പാര്ട്ടികള് ആവശ്യപ്പെട്ടു.
കെടുകാര്യസ്ഥതയും സാമ്പത്തിക തിരിമറികളും ആരോപിച്ചാണു പ്രതിപക്ഷം രാജി ആവശ്യപ്പെട്ടത്. രാജിവച്ച് തിരഞ്ഞെടുപ്പിനെ നേരിടാന് ഇമ്രാന് തയാറാകണമെന്ന് പിപിപി നേതാവും ബേനസീര് ഭൂട്ടോയുടെ മകനുമായ ബിലാവല് ഭൂട്ടോ റാലിയെ അഭിസംബോധന ചെയ്ത് ആവശ്യപ്പെട്ടു.
വിലക്കയറ്റം രൂക്ഷമാണെന്നും ഇമ്രാന് ജനപിന്തുണ നഷ്ടപ്പെട്ടെന്നും പ്രതിപക്ഷം ആരോപിച്ചു. സൈനിക പിന്തുണയോടെയാണ് ഇമ്രാന് ഭരണം നിലനിര്ത്തുന്നതെന്നും ആരോപണമുണ്ട്.
Discussion about this post