ഡൽഹി: കശ്മീരി പണ്ഡിറ്റുകളുടെ വംശഹത്യക്ക് ഉത്തരവാദി നാഷണൽ കോൺഫറൻസ് നേതാവും ജമ്മു കശ്മീർ മുൻ മുഖ്യമന്ത്രിയുമായ ഫറൂഖ് അബ്ദുള്ളയാണെന്ന ആരോപണം കടുപ്പിച്ച് ബിജെപി. ഫറൂഖ് അബ്ദുള്ള സർക്കാർ കൊണ്ടു വന്ന ജമ്മു കശ്മീർ സ്ഥാവര വസ്തു നിയമത്തിന്റെ ചിത്രം പങ്കു വെച്ച് ബിജെപി ഐ ടി സെൽ മേധാവി അമിത് മാളവ്യ ഇക്കാര്യം ആവർത്തിച്ച് വ്യക്തമാക്കി. കശ്മീരി ഹിന്ദുക്കളുടെ വംശഹത്യ 1989 നവംബർ 1ന് ആരംഭിച്ചതായും തുടർന്ന് 1990 ജനുവരി 18ന് ഫറൂഖ് അബ്ദുള്ള രാജിവെച്ചുവെന്നും അദ്ദേഹം ചൂണ്ടിക്കാട്ടി.
Omar claimed his father Farooq Abdullah was not responsible for the genocide. It was a lie. Here is J&K Migrant Immovable Property Act, introduced by Farooq Abdullah, in which 1Nov1989 is the cut off for exodus.
What did he do for 79days, till 18Jan1990, when he resigned as CM? pic.twitter.com/RWwFo5JoWQ
— Amit Malviya (मोदी का परिवार) (@amitmalviya) March 21, 2022
അതേസമയം കശ്മീരി വംശഹത്യയുടെ കാരണക്കാരൻ ഫറൂഖ് അബ്ദുള്ളയാണെന്ന ആരോപണം നിഷേധിച്ച് മകനും നാഷണൽ കോൺഫറൻസ് നേതാവുമായ ഒമർ അബ്ദുള്ളയും രംഗത്തെത്തി.
കശ്മീരി പണ്ഡിറ്റുകളുടെ വംശഹതയുമായി ബന്ധപ്പെട്ട് വിവേക് രഞ്ജൻ അഗ്നിഹോത്രി സംവിധാനം ചെയ്ത ‘ദി കശ്മീർ ഫയൽസ്‘ എന്ന ചിത്രത്തിനെതിരെ വിമർശനവുമായി ഫറൂഖ് അബ്ദുള്ള രംഗത്തെത്തിയിരുന്നു. അതിലെ തന്റെ കഥാപാത്രം യാഥാർത്ഥ്യത്തിന് നിരക്കുന്നതല്ല എന്നതായിരുന്നു ഫറൂഖ് അബ്ദുള്ളയുടെ പ്രതികരണം.
